Amato 21:16 - Mbeti ti Nzapa - Tënë so amu fini

¹⁶ Zo so azia lege ti hingango ndo, fade lo yeke gue ti wu tere ti lo na ya ti bongbi ti akuâ.

Amato 21:16 ပူးပေါင်းရင်းမြစ်များ

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Abia (Psaumes) 49:14

Azo so azia be ti ala mingi na ndö ti ala wani, azo so tënë ti ala wani anzere na ala mingi so, baa ye so ayeke si ande na ala ayeke so:

Amato 11:19

Zo so aleke na be ti lo ti sara ye ti mbirimbiri, fade lo yeke ngba na fini; me zo so ayeke kpe na peko ti sarango sioni ye, lo yeke gue na le ti kuâ.

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Amato 19:16

Zo so ayeke sara ye alingbi na atënë ti ndia, lo yeke bata fini ti lo. Zo so ayeke bata lege ti dutingo ti lo pepe, fade lo yeke kui.

Amato 2:13

ala yeke zi nga mo na maboko ti azo so azia lege ti mbirimbiri titene ala mu lege so avuko.

Amato 5:23

Fade zo ni ayeke kui, ngbanga ti so a gboto mê ti lo gbaa; kota buba ti lo ayeke sara lo tongana samba.

Amato 9:18

Andaa azo ni ahinga pepe atene, akuâ ayeke kâ; azo so Buba atisa ala so, ala hinga pepe atene, ala li na ndo ti akuâ awe.

Ezekiel 18:24

Me ti zo ti mbirimbiri so azia lege ti sarango ye ti mbirimbiri ti lo, tongana lo to nda ti sara asioni ye so zo alingbi ti baa na le ti lo fani use pepe tongana ti azo ti sioni, ala baa ti ala atene, fade lo yeke ngba na fini? Aye ti mbirimbiri so kue lo sara, a yeke kiri ti dabe na ni pepe. Fade lo yeke kui ndali ti asioni ye ti lo nga ndali ti asiokpari so lo sara.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Efeze 2:1

Ando na le ti Nzapa, ala yeke azo so akui awe ndali ti asioni ye na asiokpari so ala sara.

Ahebro 10:38

Nzapa atene: “Zo so aga mbirimbiri na le ti mbi na lege ti mabe, fade lo yeke duti na fini. Me tongana lo zia lege ti mabe, fade mbi yeke wara ngia na lege ti lo pepe.”

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

Jude 1:12

A-ita, na ndembe so ala yeke te kobe ti beoko si azo ni so ayeke na popo ti ala, azo ni aga tongana mbeni sarate na ya ti matanga ti ala ti tengo kobe. Azo ni so ayeke te ye na kamene pepe, ala hinga gi nzara ti ya ti ala. Ala yeke tongana ambinda so pupu ayeke hon na ni si ngu apika na peko ni pepe. Ala yeke nga tongana akeke so ale pepe, ataa so ndembe ni alingbi awe; tongana a zi gere ni, akui biani biani.