Amato 21:13 - Mbeti ti Nzapa - Tënë so amu fini

¹³ Zo so akanga mê ti lo ti ma toto ti zo ti mawa, na ndembe so zo ni ayeke dekongo, zo oko ti mango lo ayeke nga daa pepe.

Amato 21:13 ပူးပေါင်းရင်းမြစ်များ

Néhémie 5:13

Na pekoni, mbi yingi yanga ti kota bongo ti mbi si mbi tene: “Zo so kue ayeke sara ye alingbi na tënë ti yanga ti lo pepe, ayeke nzoni Nzapa ayingi lo legeoko tongaso. Ayeke nzoni Nzapa azi lo na ya ti da ti lo nga amosoro ti zo ni!” – Bongbi ti azo ni kue atene: “Amen! Ayeke nzoni ye ni aduti tongaso!” Ala kue asepela *KOTA GBIA si na pekoni, ala sara ye alingbi na tënë ti yanga ti ala.

Mbeti ti Job 29:12

Biani, wayere so adekongo, mbi yeke soo lo; nyindu so zo ti mungo maboko na lo ayeke daa pepe, mbi yeke mu maboko na lo.

Abia (Psaumes) 18:41

Mo sara si awato ti mbi akpe na dawa ti mbi, mbi yeke fâ azo ti kengo mbi, mbi hunzi ala kue.

Abia (Psaumes) 58:4

Gi so azo ti sioni ade na ya ti mama ti ala, ala yeke azo ti ngangu li; gi na lango so a du ala, ala yeke azo ti mvene, ala girisa lege.

Amato 1:28

Na lango ni so, fade ala yeke iri mbi titene mbi mu maboko na ala, me mbi yeke kiri tënë na ala pepe; ala yeke gi mbi, me ala yeke wara mbi pepe.

Amato 28:27

Zo so ayeke mu ye na awayere, fade ye ayeke tia lo pepe; me zo so ayeke baa ndo na ala pepe, azo mingi ayeke deba lo.

Matthieu 6:14

“Biani, tongana ala zi sioni na li ti azo so asara sioni na ala, fade Babâ ti ala so ayeke na yayu ayeke zi nga sioni na li ti ala.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Nzoni Tënë so Luc asu na mbeti 13:25

“Fade wa ti da ni ayeke londo si lo yeke kanga yanga ti da ni. Tongaso ala so ayeke ngba ande na gigi, ala yeke to nda ti pika yanga ti da ni si ala tene: ‘Kota Gbia, zi na e yanga ti da ni!’ Fade lo yeke tene na ala: ‘Mbi hinga ndo so ala londo daa pepe!’

Awatokua 7:57

Azo ni adekongo ngangu, ala kanga mê ti ala si ala kue atuku legeoko na ndö ti Étienne.

1 Jean 3:17

Tongana mbeni zo ayeke na amosoro ti dunia so, lo baa mbeni ita ti lo so ye atia lo si lo ke ti sara nzoni na ita ti lo ni, fade lo yeke tene, ni ye Nzapa biani laa?