Amato 20:6 - Mbeti ti Nzapa - Tënë so amu fini

⁶ Azo mingi ayeke gonda tere ti ala atene, ani yeke nzoni; me zo wa laa alingbi ti wara zo so lo lingbi ti zia be ti lo na ndö ti lo?

Amato 20:6 ပူးပေါင်းရင်းမြစ်များ

Abia (Psaumes) 12:1

Bia ti David; bia so ayeke ndali ti makonzi-bia. A he ni na kundi ti akamba miombe.

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Amato 20:5

Atënë ti be ti zo ali tongana kota ngu; zo so ahinga ndo laa alingbi ti sigigi na ni.

Amato 25:14

Zo so amu zendo ti mu mbeni nzoni ye na mba ti lo si lo mu ni pepe, lo yeke tongana mbinda na pupu so ayeke ga, me aga na ngu-Nzapa pepe.

Amato 27:2

Mo zia mbeni zo nde agonda mo; mo zia wande si asara ni, me mo wani pepe!

Zo ti bongbingo azo 7:28

ye so mbi ngba ti gi, ade mbi wara ni pepe. Na popo ti akoli saki oko, mbi wara koli oko so alingbi; me na popo ti awali kue, mbi wara wali oko pepe.

Jérémie 5:1

“Ala tambula na ndö ti alege ti Jérusalem mbage na mbage kue, ala baa ndo, ala hunda ndo, ala gi ndo na ndö ti abalabala ti wara mbeni zo, zo so ayeke sara ye mbirimbiri, zo so ayeke sara ye na legeni. Tongana ala wara mbeni zo oko tongaso, fade mbi yeke zi siokpari na li ti azo ti Jérusalem.”

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Matthieu 6:2

Tongana mo yeke mu ye na azo ti mawa, ayeke nzoni mo dekongo na tënë ni pepe, tongana ti azo so tënë ti yanga ti ala ayeke nde na sarango ye ti ala: azo ni ayeke sara tongaso na ya ti ada ti sambelango Nzapa nga na be ti lege titene azo agonda ala. Mbi tene na ala taa-tënë: azo ni so awara ti ala futa ni awe.

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.

Nzoni Tënë so Luc asu na mbeti 18:28

Pierre atene: “Baa, e zia aye ti e kue si e mu peko ti mo!”

Nzoni Tënë so Luc asu na mbeti 18:8

Mbi tene na ala: fade lo yeke fâ ya ti ngbanga ti ala hio. Me tongana *Molenge ti Zo aga ande, fade lo yeke wara azo ti mabe na ndö ti sese so?”

Nzoni Tënë so Luc asu na mbeti 22:33

Pierre atene na lo: “*Kota Gbia, ataa na da ti kanga, mbi na mo, e yeke gue; ataa ti kuâ ni, mbi na mo, e yeke kui!”

Jean 1:47

Jésus abaa Natanael so ayeke ga na mbage ti lo si lo tene: “Baa, so mbirimbiri zo ti Israel laa. Lo hinga ti tene mvene pepe.”

2 Korente 12:11

Mbi ga tongana zo so mbeni ye asara li ti lo awe! Ala laa asara si mbi ga tongaso. Ala laa alingbi fade ti tene nzoni tënë na ndö ti mbi. Ataa mbi yeke ye pepe, akota kota *watokua ti ala so ahon mbi na ye oko pepe.