Amato 20:30 - Mbeti ti Nzapa - Tënë so amu fini

³⁰ Tongana a pika zo si lo wara ka, ka ni alingbi ti ga tongana yoro ti kaingo na sioni ti lo; pikango zo alingbi nga ti *sukula ya ti be ti lo.

Amato 20:30 ပူးပေါင်းရင်းမြစ်များ

Abia (Psaumes) 89:32

tongana ala ke ti sara ye alingbi na aye so mbi fa si ala bata atënë ti yanga ti mbi pepe,

Amato 19:25

Mo pika zo ti hengo ndo, tongaso si zo so li ti lo ayeke daa pepe so, le ti lo ahan. Mo suku na zo ti hingango ndo, fade lo yeke hinga ye ahon ti kozo.

Amato 22:15

Kua ti amolenge ayeke sarango aye ti buba. Me tongana a pika ngbonda ti ala, fade ala yeke zia lege ni.

Amato 27:6

Titene mbeni zo so mo na lo aye tere mingi aso be ti mo, so laa ayeke nzoni ahon titene mbeni wato asu ngbangba ti mo gbani gbani.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 53:5

Me ti lo, ndali ti sioni ti e laa a kpo lo na ka, ndali ti siokpari ti e laa a nika lo. Pika so lo wara asara si e duti na siriri; ndali ti aka ti lo laa tere ti e aga nzoni.

Ahebro 12:10

Ti ababâ ti e ti sese so, ala yeke pika ka e tongana ti so ala baa nzoni na le ti ala; pikango e ni ayeke gi ndali ti kete ngoi. Me ti Nzapa, lo yeke pika e ndali ti nzoni ti e, ti mu na e lege ti duti nde si e ga nzoni kue tongana lo.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.