Amato 20:3 - Mbeti ti Nzapa - Tënë so amu fini

³ Zo so ayoro tere ti lo na ya ti tiri pepe, lo yeke ne tere ti lo; me ti azo ti buba, tere ti ala ayeke do dongo ti li na ya ti tiri.

Amato 20:3 ပူးပေါင်းရင်းမြစ်များ

Tongo nda ti aye 13:7

Na ngoi ni so, andaa azo ti Kanaan na azo ti mara ti Perizi laa ayeke lango na ya ti kodro ni. Papa alondo na popo ti awabatango-nyama ti Abram na ala ti Lot.

Tongo nda ti aye 13:8

Abram atene na Lot: “Ayeke nzoni mbi na mo, e papa na popo ti e pepe si awabatango-nyama ti mbi na ala ti mo apapa nga na popo ti ala pepe, ngbanga ti so e yeke a-ita.

2 Agbia 14:9

Yoas, gbia ti Israel akiri tënë na Amasia, gbia ti Juda, atene: “Mbeni lâ, kete keke ti ki ti hoto ti Liban atokua na keke ti sedre ti Liban atene: Mu molenge ti mo titene lo ga wali ti molenge ti mbi ti koli. Me mbeni nyama ti hoto ti Liban ahon na ndö ti kete keke ti ki ni si lo nika ni.”

Amato 14:17

Zo so ayeke sara ngonzo hio hio, lo yeke sara aye ti buba. Be ti azo ake zo ti sarango ye na mayere.

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 16:32

Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Amato 18:6

Atënë ti zo ti buba ayeke sara si tiri alondo; atënë ti yanga ti lo ayeke pusu azo ti pika tere.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Amato 21:24

Zo ti baba so abaa azo tongana mbumbuse ye, a iri lo “zo-ti-hengo-ndo”; sarango ye na kuru baba ahon ndö ti lo.

Amato 26:17

Zo so ahon hongo na lege si lo yoro tere ti lo na ya ti tënë so abaa lo pepe, lo yeke tongana zo so aye ti gbu mbo na mê ti lo.

Efeze 4:32

Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.

Jacques 3:14

Me tongana ala yeke sara sioni kota be ti gbugburungo na kota ndo, ala pika kate ti ala ndali ti ndara ti ala ni pepe. Tongana ala yeke sara ye tongaso, andaa ala yeke tene mvene ti buba lege ti taa-tënë.

Jacques 4:1

Atiri na apapa so ayeke na popo ti ala so alondo na ndo wa? Alondo gi na lege ti anzara ti be ti ala so ayeke tiri lakue na ya ti tere ti ala.