Amato 20:27 - Mbeti ti Nzapa - Tënë so amu fini

²⁷ Yingo ti zo ayeke lamba so KOTA GBIA amu na lo si ayeke za na ya ti be ti lo kâ.

Amato 20:27 ပူးပေါင်းရင်းမြစ်များ

Tongo nda ti aye 2:7

KOTA GBIA Nzapa amu fuku ti sese, lo sara na zo. Na pekoni, lo huru pupu so ayeke sara titene zo aduti na fini na ya ti hon ti zo ni si zo ni aga zo so ayeke na fini.

Mbeti ti Job 32:8

Me ye so ayeke mu hingango ndo na zo ayeke yingo ti Nzapa; so ti tene pupu ti yanga ti Nzapa so ngangu ti lo ahon angangu kue.

Amato 20:28

Sarango nzoni be na batango tënë ti yanga ayeke bata gbia. Na lege ti nzoni be si sarango komandema ti lo ayeke kpengba.

Amato 20:30

Tongana a pika zo si lo wara ka, ka ni alingbi ti ga tongana yoro ti kaingo na sioni ti lo; pikango zo alingbi nga ti *sukula ya ti be ti lo.

Rome 2:15

Sarango ye ti ala afa so aye so Ndia ti Moïse ahunda ayeke na be ti ala. Be ti ala afa so ye ni ayeke tongaso, lege ti gbungo-li ti ala afa so ye ni ayeke nga tongaso. Lege ti gbungo-li ti ala ni ayeke fa na ala so ala sara sioni, na mbage ayeke gbu koko ti ala na ndö ti ye so ala sara.

1 Korente 2:11

Zo wa laa ahinga ye so ayeke na be ti zo? Gi yingo ti zo so ayeke na ya ti lo laa ahinga ni. Ye so ayeke na be ti Nzapa nga, zo oko alingbi ti hinga pepe, gi Yingo ti Nzapa oko laa ahinga ni.