Amato 20:25 - Mbeti ti Nzapa - Tënë so amu fini

²⁵ Tongana zo amu zendo ti mu ye na Nzapa, ayeke nzoni lo gbu li ti lo mbirimbiri kozoni si. Tongana lo mu zendo ni si lo gbu li ti lo na peko, fade ayeke ga kuku ndali ti lo.

Amato 20:25 ပူးပေါင်းရင်းမြစ်များ

Amato 18:13

Zo so akiri tënë hio kozo titene lo ma tënë nzoni, lo yeke fa buba ti lo na gigi si lo yeke zia kamene na le ti lo wani.

Amato 18:7

Tënë ti zo ti buba ayeke buba fini ti lo wani; atënë ti yanga ti lo aga kuku ndali ti lo wani.

Zo ti bongbingo azo 5:2

Biani, zo so agi be ti lo mingi, fade lo yeke baa li ti lo; zo so adiko gba ti atënë, fade lo yeke tene abuba tënë.

Awayango-sandaga 5:15

“Tongana mbeni zo asara ye so ayeke sioni mingi ti ke ye so alingbi fade ti mu na *sandaga na KOTA GBIA, me lo sara ni na mbana ti be ti lo pepe, ye so lo lingbi ti sara na KOTA GBIA ti leke na tënë ti lo ayeke so: lo yeke ga na koli-taba so mbeni mbage ti tere ti lo abuba pepe, so ngere ti lo alingbi na ngere ti taba so a yeke mu ka na ndo so a zia nde ndali ti Nzapa.

Matthieu 5:33

“Ala ma nga tënë so a tene ando na akotara, atene: ‘Mo deba yanga ti mo senge senge pepe. Me ye so mo deba yanga ti mo ti sara ni na *Kota Gbia ti mo, alingbi mo sara ni.’

Ndia ti fani use ni 23:22

Moïse atene: Tongana ala mu zendo ti sara mbeni ye na *KOTA GBIA Nzapa ti ala, alingbi ala ku pepe ti sara ni. Tongaso pepe, fade KOTA GBIA ayeke hunda tënë ni na ala; andaa ala sara siokpari awe laa.

Ndia ti fani use ni 23:23

Tongana ala mu zendo pepe, so siokpari laa pepe.

Ndia ti fani use ni 23:24

Me tongana mbeni tënë ti zendo asigigi na yanga ti ala, alingbi ala sara ye ti peko ni. Tënë so ala wani na be ti ala atene na KOTA GBIA Nzapa ti ala, alingbi ala sara kue ti sara ye alingbi na ni.

Awafango-ngbanga 21:22

Tongana ababâ ti amolenge-wali ni wala a-ita ti ala ti koli aga ti bi tënë na li ti e, fade e yeke tene na ala, e tene: ‘Ala sara nzoni be na azo ti Benjamin si. Biani, na ngoi ti bira ti Yabesh, e wara lege pepe ti mu wali na ala oko oko kue. So ala wani laa amu awali na azo ti Benjamin pepe so, tënë ti deba ayeke na ndö ti ala pepe.’ ”