Amato 20:22 - Mbeti ti Nzapa - Tënë so amu fini

²² Mo tene na be ti mo pepe, mo tene: “Sioni so a sara na mbi so, fade mbi yeke kiri peko ni si!” Me mo zia be ti mo na ndö ti KOTA GBIA, fade lo yeke soo mo.

Amato 20:22 ပူးပေါင်းရင်းမြစ်များ

2 Samuel 16:12

E hinga pepe, fade KOTA GBIA ayeke baa mawa ti mbi. E hinga pepe, lo yeke sanze dengo ba ti laso titene aga nzoni ye ndali ti mbi.”

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 37:34

Zia be ti mo ti ku gi KOTA GBIA, mo mu gi lege so lo fa na mo. Fade lo yeke mu mo na nduzu titene mo mu kodro ni si aga ti mo, fade mo yeke baa azo ti sioni so a yeke bi ala na gigi.

Abia (Psaumes) 37:40

KOTA GBIA ayeke mu maboko na ala, lo yeke zi ala; lo yeke zi ala na maboko ti azo ti sioni si lo yeke soo ala, ngbanga ti so ala kpe na lo ti bata tere ti ala.

Amato 17:13

Zo so ayeke kiri sioni ndali ti nzoni, akpale ayeke zia da ti lo laoko pepe.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Amato 20:21

Mosoro so zo awara hio hio na kozo lango, gbanda mosoro ni ayeke sara nzoni na lo pepe.

Amato 24:29

Mo tene pepe: “Ye so lo sara na mbi so, mbi yeke sara gi ni na lo; mbi yeke kiri na zo peko ti ye so lo sara na mbi so!”

Ésaïe 40:31

Me azo so azia be ti ala na ndö ti KOTA GBIA, ala yeke wara fini ngangu; ala yeke huru tongana *ngoalo. Ala mu loro, me ala yeke woko pepe, ala tambula, me ngangu ayeke hunzi na ala pepe.

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Matthieu 5:39

Ti mbi, mbi tene na ala: zo so asara sioni na ala, ala kiri na peko ti sioni ni na lo pepe. Tongana mbeni zo apika ngbangba ti mo ti mbage ti koli, yoro na lo mbeni mbage ni lo pika.

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.

1 Pierre 2:23

Azo azonga lo, me lo kiri na zonga ni pepe; azo asara pasi na lo, me lo be le na ala pepe, lo zia be ti lo kue na ndö ti Nzapa so ayeke fâ ngbanga na legeni.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

1 Pierre 4:19

Tongaso, azo so ayeke baa pasi tongana ti so Nzapa aye, alingbi ala ngba lakue ti sara nzoni ye, ala mu tere ti ala kue na Nzapa, lo so lo sara ye kue si lo yeke sara ye alingbi na peko ti tënë ti yanga ti lo.

1 Samuel 25:13

David atene na azo ti lo: “Ayeke nzoni zo oko oko amu yongoro zeme ti lo, lo kanga ni na ngbonda ti lo!” Tongaso zo oko oko amu yongoro zeme ti lo; David nga amu yongoro zeme ti lo. Azo nduru na ngbangbo osio laa amu peko ti David si ala hon. Azo ngbangbo use si angba na tere ti akungba.