Amato 20:21 - Mbeti ti Nzapa - Tënë so amu fini

²¹ Mosoro so zo awara hio hio na kozo lango, gbanda mosoro ni ayeke sara nzoni na lo pepe.

Amato 20:21 ပူးပေါင်းရင်းမြစ်များ

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

Amato 20:20

Zo so adeba babâ na mama ti lo, fini ti lo akpa lamba so amingo na bi.

Amato 20:22

Mo tene na be ti mo pepe, mo tene: “Sioni so a sara na mbi so, fade mbi yeke kiri peko ni si!” Me mo zia be ti mo na ndö ti KOTA GBIA, fade lo yeke soo mo.

Amato 21:6

Azo so aye ti wara mosoro na lege ti tenengo mvene ayeke gi kuâ; ye so ala wara ayeke tongana guru so pupu amu ahon na ni.

Amato 23:4

Mo hunzi ngangu ti mo kue ndali ti gingo mosoro pepe: zia ti gbu li ti mo na ndö ni.

Amato 28:20

Zo so abata tënë ti yanga ti lo, fade a yeke sara tufa gbani gbani na ndö ti lo; me zo so aye ti ga zo ti mosoro na loro, a yeke zia peko ni na lo senge pepe.

Amato 28:22

Zo so be ayeke sara lo, lo yeke kpe kpengo na peko ti mosoro; me lo hinga pepe atene, fade yere ayeke ti na ndö ti lo.

Amato 28:8

Mbeni zo aye ti ga zo ti mosoro; lo yeke sara boon ti nginza na azo titene azo ni azia gba ti nginza na ndö ni si akiri na ni na lo. Me fade mosoro ni so ayeke gue na maboko ti zo so ayeke baa mawa ti awayere.

Habakuk 2:6

Me ti azo so lo zia ala na gbe ti komandema ti lo so, fade ala kue ayeke kasa lo, ala yeke he lo na ngia si ala yeke tene atënë ti songo be na lo.” Fade ala yeke tene: “Mawa na mo, mo so mo yeke bongbi na ndö ti tere, na ndö ti tere aye so ayeke ti mo pepe! Mo yeke bongbi ni ngbii asi lawa? Gba ti ayongo laa mo bongbi ni na ndö ti mo.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Malashii 2:2

Tënë so *KOTA GBIA so ayeke na ndö ti dunia kue atene laa: “Tongana ala ma tënë ti mbi pepe, tongana ala sara si tënë ti nengo mbi agbu be ti ala pepe, fade mbi yeke deba ala si tufa so mbi ye ti sara na ndö ti ala, mbi yeke sara titene akiri aga deba. Biani, fade mbi yeke deba ala, ngbanga ti so tënë ti gbotongo mê so mbi gboto mê ti ala agbu be ti ala pepe.

1 Timothée 6:9

Me ti azo so aye ti wara mosoro mingi, mosoro ni ahanda ala si ala ti. Nzara ti abuba ye nde nde ti sioni agbu ala tongana gbanda. Aye ni so ayeke buba azo si ayeke gue na ala na kuâ.