Amato 2:9 - Mbeti ti Nzapa - Tënë so amu fini

⁹ Molenge ti mbi, tongana mo ma mbi, fade mo yeke hinga, mo tene, sarango ye ti mbirimbiri, sarango ye na lege ti ndia na sarango ye na legeni ayeke sara si zo abaa nzoni daa.

Amato 2:9 ပူးပေါင်းရင်းမြစ်များ

Abia (Psaumes) 119:105

Tënë ti mo ayeke tongana lamba ndali ti gere ti mbi, lumiere so ayeke za na ndö ti lege so mbi yeke hon daa.

Abia (Psaumes) 119:99

Mbi hinga ndo, mbi hon awafango-ye kue na mbi, ngbanga ti so mbi yeke gbu li ti mbi na ndö ti aye so mo hunda na mbi.

Abia (Psaumes) 25:12

Tongana mbeni zo akpe mbeto ti KOTA GBIA, fade KOTA GBIA ayeke fa na lo lege so lo lingbi ti soro ni.

Abia (Psaumes) 32:8

KOTA GBIA atene na mbi: “Fade mbi yeke fa ye na mo, mbi yeke fa na mo lege ti tambula daa, mbi yeke mu na mo wango si mbi yeke baa ndo na ndö ti mo.

Amato 28:5

Azo ti sioni ahinga nda ti sarango ye ti mbirimbiri oko pepe; me azo so ayeke gi KOTA GBIA, ala hinga nda ni kue.

Amato 4:12

Tongaso, mo yeke tambula, mbeni ye ti kanga lege na mo ayeke daa pepe; mo kpe loro, mo yeke ti pepe.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Amato 8:20

Mbi yeke tambula na ndö ti lege ti mbirimbiri, na ndö ti lege so alingbi na ndia.

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Ésaïe 48:17

*KOTA GBIA, lo so lo zi mo, Nzapa ti Israel so ayeke nde si ayeke nzoni kue, tënë so lo tene ayeke so: “Mbi KOTA GBIA, Nzapa ti mo, mbi laa mbi yeke fa na mo ye so mo lingbi ti baa nzoni daa. Mbi laa mbi yeke gue na mo lege so mo yeke tambula daa.

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.