Amato 2:4 - Mbeti ti Nzapa - Tënë so amu fini

⁴ Gi ndara tongana ti so zo ayeke gi nginza; gi ni ngangu tongana ti so zo ayeke gi mbeni mosoro so ahonde.

Amato 2:4 ပူးပေါင်းရင်းမြစ်များ

Tongo nda ti aye 26:32

Gi na lango ni so azo ti kua ti Isaac aga afa na lo peko ti tënë ti du ti ngu so ala zi so. Ala tene na lo: “E wara ngu awe.”

Mbeti ti Job 3:21

Ala yeke ku kuâ, me kuâ ni ayeke ga pepe; ala yeke gi kuâ ahon gingo mosoro.

Abia (Psaumes) 119:127

Mbi ye atënë ti ndia ti mo ahon lôro, ataa lôro ti nzoni ni.

Abia (Psaumes) 119:14

Ngia so mbi yeke na ni tongana mbi sara aye so mo hunda na mbi ahon ngia so mbi yeke na ni tongana mbi wara gba ti mosoro.

Abia (Psaumes) 119:72

Ndia so alondo na yanga ti mo ayeke nzoni na mbi ahon lôro na nginza kutu kutu.

Abia (Psaumes) 19:10

Kpengo mbeto ti KOTA GBIA, mbeni ye ti nzoni ti hon so ayeke daa pepe; kpengo mbeto ti KOTA GBIA angba lakue lakue. Fango ngbanga ti KOTA GBIA ayeke taa-tënë, fango ngbanga ni kue ayeke mbirimbiri.

Amato 16:16

Titene zo awara ndara, so laa ayeke nzoni ahon titene lo wara lôro ti nzoni ni. Titene zo awara hingango ndo, so laa ayeke nzoni ahon titene lo wara wen ti nginza.

Amato 2:3

Biani, gi hingango ye; sara ngangu ti wara hingango ndo!

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Amato 4:7

Tongo nda ti ndara ayeke so: mo sara kue ti wara ndara. Ye so kue mo wara, mo mu ni ti wara na hingango nda ti aye.

Amato 8:17

Mbi, mbi ye azo so aye mbi. Azo so ayeke gi mbi, fade ala yeke wara mbi.

Zo ti bongbingo azo 4:8

mbeni zo ayeke daa so lo yeke gi lo oko, mbeni zo ayeke na tere ti lo pepe; lo yeke na molenge pepe, wala na ita pepe. Lo yeke sara kua, lo wu tere pepe; me nzara ti warango mosoro mingi angba na be ti lo. Lo hunda tere ti lo, lo tene: “Akua so kue mbi sara, mbi yeke sara ni ndali ti zo wa?” Mbi gbanzi tere ti mbi ti sara ngia, mbi yeke sara ni ndali ti zo wa? Ye so nga ayeke gi senge senge; so ayeke sioni ye.

Matthieu 13:44

“*Kodro-gbia ti yayu ayeke tongana mosoro so a honde ni na ya ti yaka. Mbeni zo awara ni si akiri ahonde ni. Be ti lo anzere mingi si lo gue, lo ka aye so kue lo yeke na ni si lo vo yaka so.

Matthieu 19:29

Zo so kue azia ada ti lo, a-ita ti lo ti koli, a-ita ti lo ti wali, babâ ti lo, mama ti lo, amolenge ti lo na ayaka ti lo ndali ti mbi, fade lo yeke wara aye so fani ngbangbo oko ahon aye so lo zia si lo yeke wara fini so angba lakue lakue.

Nzoni Tënë so Luc asu na mbeti 16:8

Kota zo ni agonda ndombe ti nzi so, ngbanga ti so lo sara ye ti lo na kode. Taa-tënë, azo ti dunia so ayeke sara ye na kode na amba ti ala, ahon azo ti Nzapa so ayeke na ya ti lumiere.”