Amato 2:20 - Mbeti ti Nzapa - Tënë so amu fini

²⁰ Tongaso, ayeke nzoni mo mu lege ti dutingo ti azo ti nzoni; mo sara ye tongana ti azo ti mbirimbiri.

Amato 2:20 ပူးပေါင်းရင်းမြစ်များ

Abia (Psaumes) 119:115

Ala azo ti sarango sioni, ala hon yongoro na tere ti mbi, tongaso si fade mbi yeke sara ye alingbi na atënë ti ndia ti Nzapa ti mbi.

Abia (Psaumes) 119:63

Mbi yeke sara songo na amba ti mbi so kue akpe mbeto ti mo, ala so asara ye alingbi na andia ti mo.

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Amato 4:11

Mbi fa na mo lege ti dutingo na ndara; mbi fa na mo lege ti sarango ye ti mbirimbiri.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Amato 8:20

Mbi yeke tambula na ndö ti lege ti mbirimbiri, na ndö ti lege so alingbi na ndia.

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.