Amato 2:2 - Mbeti ti Nzapa - Tënë so amu fini

² Dingi mê ti mo, mo ma atënë ti ndara, gi lege ngangu ti ma ya ni.

Amato 2:2 ပူးပေါင်းရင်းမြစ်များ

Abia (Psaumes) 90:12

Tongaso, fa na e lege ti diko alango ti e si fade be ti e asi singo na ndara.

Amato 18:1

Zo so aye ti duti gi lo oko, lo yeke gi gi nzoni ti lo wani. Tongana a ye ti mu na lo wango, lo yeke sara ngonzo.

Amato 2:3

Biani, gi hingango ye; sara ngangu ti wara hingango ndo!

Amato 23:12

Gbu li ti mo nzoni na ndö ti aye so a gboto mê ti mo daa; dingi mê ti mo, mo ma atënë ti hingango ye.

Amato 4:1

Amolenge, ala ma wango ti babâ ti ala. Ala zia be ti ala kue ti hinga nda ti aye.

Amato 4:20

Molenge ti mbi, mo ma tënë ti mbi, dingi mê ti mo, mo ma atënë so mbi yeke tene na mo.

Amato 6:32

Ti zo so alango na wali ti zo, li ti lo ayeke daa pepe. Zo so asara tongaso abuba fini ti lo wani.

Zo ti bongbingo azo 7:25

Tongaso mbi zia be ti mbi kue ti hinga ye, ti gi nda ti ye, ti gi ndara, ti gbu li ti mbi na legeni. Mbi hinga so dutingo sioni zo wala zo so li ti lo ayeke daa pepe ayeke ye ti buba.

Zo ti bongbingo azo 8:16

Mbi zia be ti mbi ti gi ti hinga nda ti ndara, ti baa ye so azo ayeke sara na ndö ti sese so. Mbi baa so, ataa zo ake ti lango na bi nga na kota lâ,

Zo ti bongbingo azo 8:9

Aye so kue so, mbi baa ni, mbi gbu li ti mbi na ndö ti aye so kue azo ayeke sara na ndö ti sese so. Mbeni ngoi ayeke daa so zo ayeke na komandema na ndö ti mba ti lo ti sara sioni na lo.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Matthieu 13:9

Jésus akiri atene: “Zo so ayeke na mê ti mango ndo, ayeke nzoni lo ma tënë so!”

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.