Amato 2:14 - Mbeti ti Nzapa - Tënë so amu fini

¹⁴ Be ti azo ni ayeke na ngia na sarango sioni; tere ti ala anzere na asioni sarango ye ti kirikiri.

Amato 2:14 ပူးပေါင်းရင်းမြစ်များ

Amato 10:23

Ti zo ti buba, sarango sioni ayeke tongana ye ti ngia ti lo; me ti zo ti hingango ndo, ndara ayeke tongana ye ti ngia ti lo.

Amato 21:10

Nzara ti be ti zo ti sioni ayeke gi ti sara sioni; ataa kamarade ti lo, lo yeke sara nzoni be na lo pepe.

Amato 4:16

Biani, azo ni ayeke lango pepe ngbii ala sara sioni si. Lango ayeke gbu le ti ala pepe ngbii ala kinda mbeni zo si.

Jérémie 11:15

KOTA GBIA atene: “Azo so mbi ye ala mingi so, ala kiri asara ye na mayere mingi. Ala ga ti sara nyen na ya ti da ti mbi? Ala baa atene, azendo so ala mu nga na asandaga so ala yeke ya na mbi so, ni laa alingbi ti kanga lege na kpale ni? Ni laa alingbi ti zi ala na ya ti kpale ni?

Osée 7:3

Ala yeke zia ngia na be ti gbia, andaa ala yeke asioni zo; ala yeke zia ngia na be ti amakonzi, andaa ala yeke azo ti mvene.

Habakuk 1:15

Azo ti Babilone agbu azo tongana ti so a yeke gbu susu na yango, tongana ti so a yeke gboto susu na ya ti gbanda, tongana ti so a yeke gbu susu na ngbengbe. Na pekoni, azo ni ayeke na ngia, ala yeke dodo na ngia.

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

1 Korente 13:6

lo wara ngia na lege ti ye ti sioni pepe, me lo wara ngia na lege ti taa-tënë.