Amato 2:13 - Mbeti ti Nzapa - Tënë so amu fini

¹³ ala yeke zi nga mo na maboko ti azo so azia lege ti mbirimbiri titene ala mu lege so avuko.

Amato 2:13 ပူးပေါင်းရင်းမြစ်များ

Abia (Psaumes) 14:3

Ala kue agirisa nzoni lege awe, ala kue aga sioni legeoko; zo oko ti sara nzoni ayeke daa pepe, ataa oko ayeke daa pepe.

Abia (Psaumes) 36:3

Lo baa tere ti lo kota ahon ti so lo yeke; nilaa lo ye ti hinga siokpari ti lo pepe si lo zia lege ni pepe.

Abia (Psaumes) 82:5

Me ala anzapa ni so, ala hinga ye pepe, ala hinga ndo pepe, ala yeke tambula na ya ti vukongo ndo, ndani laa gere ti sese kue ayeke yingi.

Amato 21:16

Zo so azia lege ti hingango ndo, fade lo yeke gue ti wu tere ti lo na ya ti bongbi ti akuâ.

Amato 4:19

Me lege ti dutingo ti azo ti sioni ayeke tongana bi so avuko pitipiti. Ye so ala pika gere ti ala daa ti ti, ala baa ni pepe.

Ésaïe 59:8

Ala hinga lege ti dutingo na siriri pepe; na ndö ti lege so ala hon daa, sarango ye ti mbirimbiri ayeke daa pepe. Ala sara si alege ti ala aba bango, zo so kue atambula na ndö ti lege ni, lo yeke duti na siriri pepe.

Ezekiel 18:26

Tongana zo ti mbirimbiri azia lege ti sarango ye ti mbirimbiri ti lo, lo sara ye ti kirikiri si lo kui, lo yeke kui ndali ti ye ti kirikiri so lo sara.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Jean 1:6

Nzapa atokua mbeni zo, iri ti lo Jean.

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.