Amato 2:1 - Mbeti ti Nzapa - Tënë so amu fini

¹ Molenge ti mbi, yeda na atënë ti mbi; bata andia ti mbi nzoni tongana ti so zo ayeke bata ye ti ngangu ngere.

Amato 2:1 ပူးပေါင်းရင်းမြစ်များ

Mbeti ti Job 23:12

Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

Abia (Psaumes) 90:12

Tongaso, fa na e lege ti diko alango ti e si fade be ti e asi singo na ndara.

Amato 1:3

Ala yeke fa na zo lege ti nzoni hingango ndo, lege ti sarango ye ti mbirimbiri, ti kpengo ndia nga na ti sarango ye na legeni.

Amato 28:7

Molenge so ayeke sara ye alingbi na Ndia, lo yeke zo ti hingango ye; me lo so lo yeke mu peko ti azo ti sarango ye ti kamene, lo yeke zia kamene na le ti babâ ti lo.

Amato 3:1

Molenge ti mbi, aye so mbi fa na mo, mo girisa ni pepe; bata atënë ti ndia ti mbi na ya ti be ti mo.

Amato 4:1

Amolenge, ala ma wango ti babâ ti ala. Ala zia be ti ala kue ti hinga nda ti aye.

Amato 4:10

Molenge ti mbi, ma mbi! Mo sara ye alingbi na atënë ti mbi si fade gigi ti mo ague, ayo.

Amato 6:21

Bata atënë ni lakue na be ti mo; mo kanga ni na go ti mo tongana ye ti go.

Amato 7:1

Molenge ti mbi, bata atënë ti mbi; bata andia ti mbi nzoni tongana ti so zo ayeke bata ye ti ngangu ngere.

Amato 8:1

Ndara ayeke to mbela ti iri azo, hingango ye atene tënë na kota go. Ala azo, ala ma ni pepe?

Amato 9:1

Ndara aleke *angbongboro yongoro gere ti da mbarambara; lo sara da ti lo awe.

Matthieu 13:44

“*Kodro-gbia ti yayu ayeke tongana mosoro so a honde ni na ya ti yaka. Mbeni zo awara ni si akiri ahonde ni. Be ti lo anzere mingi si lo gue, lo ka aye so kue lo yeke na ni si lo vo yaka so.

Nzoni Tënë so Luc asu na mbeti 2:19

Ti Marie, lo ngba ti dabe ti lo na atënë so kue si lo yeke gbu li ti lo daa.

Nzoni Tënë so Luc asu na mbeti 2:51

Na pekoni, Jésus na ala akiri na Nazaret. Lo yeke ma yanga ti ala. Mama ti lo angba ti dabe ti lo na aye so.

Nzoni Tënë so Luc asu na mbeti 9:44

“Ala ma tënë so mbi yeke tene na ala so nzoni! Fade a yeke zia *Molenge ti Zo na maboko ti azo.”

Ndia ti fani use ni 30:13

Atënë ti ndia ni ayeke na mbage ti kota ngu-ingo kâ pepe si fade mbeni zo atene: “Zo wa laa ayeke fâ ande kota ngu-ingo ti gue ti ga na ni na e? Zo wa laa ayeke sara si e ma tënë ni si fade e sara ye alingbi na ni?”

1 Timothée 1:15

Tënë so ayeke taa-tënë, ayeke nzoni azo kue ayeda na ni na be ti ala kue: Jésus Christ aga na dunia so ti soo azo ti siokpari na kuâ. Na popo ti azo ti siokpari ni, mbi laa mbi yeke kozo zo ni,