Amato 19:7 - Mbeti ti Nzapa - Tënë so amu fini

⁷ A-ita ti wayere kue ayeke ke lo; ti akamarade ti lo, ye ni ahon ndoni: ala yeke kpe lo kpengo. Tongana lo ye ti tene tënë na ala, andaa peko ti ala ayo awe.

Amato 19:7 ပူးပေါင်းရင်းမြစ်များ

Abia (Psaumes) 38:11

Be ti mbi ayeke pika ngangu, ngangu ahunzi na mbi awe; le ti mbi avuko, mbi yeke baa ndo tuuu.

Abia (Psaumes) 38:12

Azo so mbi na ala e ye tere na azo so mbi na ala e yeke fono lakue, ala ga nduru na mbi pepe ndali ti aka ti mbi; a-ita ti mbi aluti yongoro na tere ti mbi.

Abia (Psaumes) 88:18

Lakue, aye ni so angoro mbi tongana ti so ngu ayeke ngoro zo; mbage na mbage kue, ala kanga ndö ti mbi.

Abia (Psaumes) 88:8

Ngonzo ti mo ane na ndö ti mbi, *amapo ti mo amene mbi kue.

Amato 10:15

Amosoro ti zo ti mosoro ayeke tongana ngangu gbagba na tere ti lo; me mawa ti wayere ayeke buba lo.

Amato 14:20

Azo ake wayere, ataa akamarade ti lo; me azo so aye zo ti mosoro ayeke mingi.

Amato 18:23

Wayere ayeke tene tënë na vorongo tere; me zo ti mosoro ayeke kiri tënë ngangu ngangu.

Amato 19:4

Mosoro ti zo asara si azo so aye lo awu wungo; me ti wayere, ataa zo oko so aye lo, ayeke do lo ti zia.

Amato 21:13

Zo so akanga mê ti lo ti ma toto ti zo ti mawa, na ndembe so zo ni ayeke dekongo, zo oko ti mango lo ayeke nga daa pepe.

Amato 27:10

Zo so mo na lo aye tere, wala zo so babâ ti mo na lo aye tere, mo zia lo pepe. Tongana mbeni ye ti ngangu asi na mo, mo gue na ndo ti ita ti mo pepe. Zo so ayeke nduru na mo ayeke nzoni ahon ita ti mo so ayeke na yongoro ndo.

Jacques 2:6

Me ti ala, ala yeke baa awayere na le ti ala tongana abuba zo! A-ita, azo wa laa ayeke gboto ala na sese si ayeke gue na ala na gbe ti azo ti fango ngbanga? Azo ti mosoro pepe?