Amato 19:6 - Mbeti ti Nzapa - Tënë so amu fini

⁶ Azo mingi ayeke tene anzerengo tënë ti handa na akota zo; azo kue aye tënë ti zo so ayeke mu kadoo na azo.

Amato 19:6 ပူးပေါင်းရင်းမြစ်များ

Tongo nda ti aye 32:20

Jacob akiri amu gi oko yanga so na use zo ti kua ni, na ota zo ti kua ni, nga na azo so kue ayeke tambula na peko ti anyama ni, lo tene: “Tongana ala wara kota zo ti mbi Ezau, fade ala tene na lo gi oko tënë so.

Tongo nda ti aye 42:6

Joseph laa ayeke kota komanda ti kodro ni kue; lo laa lo yeke baa lege ti kango ale ti kobe na azo ti kodro kue. Tongaso a-ita ti Joseph asi, ala kuku, akpo li ti ala na sese na gbe ti lo.

Tongo nda ti aye 43:15

A-ita ti Joseph amu aye ni; ala mu nginza so ala wara na ya ti asake ti ala so si ala mu nga mbeni nginza nde so alingbi na ni; ala mu Benjamin si ala londo ague na Ezipte. Ala gue, afa tere ti ala na Joseph.

Abia (Psaumes) 45:12

Ayeke nzoni gbia asara nzara ti pendere ti mo; fadeso lo laa lo yeke gbia ti mo, ayeke nzoni mo kuku na gbe ti lo.

Amato 16:15

Tongana ngia amu yanga ti gbia, azo ayeke duti na fini; nzoni be ti lo ayeke tongana ngu-Nzapa so ayeke sara titene tere ti zo ade.

Amato 17:8

Ambeni zo abaa ti ala petengo goro tongana waraga so ayeke zi lege na ala; ala baa atene, ndo so kue ala yeke gue daa, aye ti ala kue ayeke ga nzoni.

Amato 18:16

Akadoo ayeke zi yanga-da kota na zo; ayeke sara si lege azi na lo ti baa akota zo.

Amato 19:12

Ngonzo ti gbia ayeke tongana toto ti bamara; me nzoni be ti lo ayeke tongana ngu ti ndö ti pere.

Amato 21:14

Kadoo so a yeke mu na hondengo ni ayeke sara si ngonzo ti zo ade; nzoni ye so a yeke pete na ya ti maboko ti zo ayeke kai ngonzo ti wâ ti lo.

Amato 29:26

Azo mingi ayeke gi lege ti ga nzoni na le ti makonzi ti ala, me gi KOTA GBIA oko laa ayeke fâ ngbanga ti zo oko oko na legeni.

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.