Amato 19:5 - Mbeti ti Nzapa - Tënë so amu fini

⁵ Zo so atene mvene na le ti ngbanga, fade pekoni ayeke ngba na lo senge pepe; zo so atene mvene, lo nga lo yeke sigigi na ya ti ngbanga pepe.

Amato 19:5 ပူးပေါင်းရင်းမြစ်များ

1 Agbia 13:18

Wayanga-Nzapa ni atene na lo: “Mbi nga, mbi yeke wayanga-Nzapa tongana mo. Andaa mbeni *ange atene na mbi peko ti tënë ti yanga ti KOTA GBIA, atene: ‘Mu lo, mo ga na lo na da ti mo, lo te kobe, lo nyon ngu.’ ” Andaa mvene laa lo tene.

1 Agbia 2:9

Fadeso, mo yeke zo ti ndara; fade mo yeke zia lo senge tongaso pepe. Mo hinga ye so mo yeke sara ande na lo. Ataa so lo ga mbakoro awe, mo yeke sara kue titene a fâ lo.”

Abia (Psaumes) 56:7

Ala honde tere ti ala, ala yeke *bembe ndo ti baa ndo so mbi yeke gue daa si ala gi lege ti fâ mbi.

Sigingo 20:16

“Alingbi mo tene mvene na li ti mba ti mo pepe na le ti ngbanga.

Sigingo 23:1

“Alingbi ala fono na atënë ti mvene na iri ti amba ti ala pepe. Zo so asara sioni, ala tene mvene na le ti ngbanga pepe ti gbu koko ti lo.

Amato 14:25

Zo so ayeke na tere ti mbeni tënë si mo lingbi ti zia be ti mo na ndö ti lo, lo yeke soo fini ti azo; me zo so ayeke du mvene, lo yeke zo ti handango azo.

Amato 14:5

Zo so ayeke na tere ti mbeni tënë si mo lingbi ti zia be ti mo na ndö ti lo, lo yeke tene mvene pepe; me zo so ayeke tene mbeni tënë nde na so lo yeke fade na tere ni, lo yeke du gi mvene.

Amato 19:9

Zo so atene mvene na le ti ngbanga, fade pekoni ayeke ngba na lo senge pepe. Zo so atene mvene, ti lo ahunzi awe.

Amato 21:28

Zo so atene mvene na le ti ngbanga, fade lo yeke kui; me zo so ahinga ti ma tënë, fade azo ayeke mu tënë na lo lakue.

Amato 6:19

zo so ayeke na tere ti mbeni tënë, me na pekoni lo tene mvene na le ti ngbanga, nga na zo so ayeke bi tënë ti papa na popo ti a-ita.

Daniel 6:24

Ngia asi be ti gbia si lo mu yanga titene a sigigi na Daniel na ya ti du ni. Gi so a sigigi na Daniel na ya ti du ni awe, azo abaa so ka oko ayeke na tere ti lo pepe, ngbanga ti so lo zia be ti lo na ndö ti Nzapa ti lo.

Ndia ti fani use ni 5:11

“Alingbi mo di iri ti mbi KOTA GBIA Nzapa ti mo senge senge pepe. Biani, zo so adi iri ti mbi senge senge, mbi yeke zia lo senge pepe.