Amato 19:3 - Mbeti ti Nzapa - Tënë so amu fini

³ Sarango ye ti buba ayeke buba gigi ti zo; na pekoni, be ti lo aso na KOTA GBIA.

Amato 19:3 ပူးပေါင်းရင်းမြစ်များ

2 Agbia 6:33

So tënë angba gi na yanga ti Élisée, mo ye ti baa watokua ni asi, lo tene: “Asioni ye so kue asi na e so alondo na *KOTA GBIA! Nyen laa mbi yeke kiri ti zia be ti mbi ti ku na mbage ti KOTA GBIA, nyen?”

Mbeti ti Job 15:13

Mo yeke sara ngonzo na tere ti Nzapa ngbanga ti nyen? Mo zia gba ti tënë tongaso asigigi na yanga ti mo ngbanga ti nyen?

Abia (Psaumes) 37:1

Bia ti David. Ngonzo ti wâ agbu mo na tere ti azo ti sioni pepe, be asara mo ndali ti warango ye ti azo ti kirikiri pepe.

Abia (Psaumes) 37:7

Duti kpoo na tere ti KOTA GBIA, mo zia be ti mo ti ku lo. Zo so ayeke sara ye na lege ti mayere si ye ti lo aga nzoni, mo sara ngonzo na tere ti lo pepe.

Amato 11:3

Sarango ye na legeni ayeke fa lege na azo ti mbirimbiri; me sarango ye ti kirikiri ayeke buba fini ti azo ti handango ndo.

Ésaïe 32:6

Biani, zo ti buba ayeke tene abuba tënë, lo yeke zia be ti lo gi ti sara sioni, lo yeke sara aye so ayeke sioni mingi si lo yeke tene asioni tënë na tere ti *KOTA GBIA. Zo so nzara asara lo, lo yeke mu na lo kobe pepe, zo so nzara ti ngu asara lo, lo yeke mu na lo ngu ti nyongo ni pepe.

Abia ti demango tere 3:39

Tongana zo ade na fini le ti lo, ndani nyen ti toto tere ti lo so? Ayeke nzoni lo toto tere ti lo ndali ti asiokpari ti lo wani.

Ezekiel 18:25

Me ala yeke tene: ‘Sarango ye ti KOTA GBIA ayeke na legeni pepe!’ Ala azo ti Israel, ala ma tënë so nzoni: Mbi laa sarango ye ti mbi ayeke na legeni pepe? Wala ala laa sarango ye ti ala ayeke na legeni pepe?

1 Samuel 13:13

Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.

1 Samuel 15:23

Kengo yanga ayeke sioni tongana bingo zeke; sarango ngangu li ayeke sioni tongana sambelango anzapa nde. So mo ke yanga ti KOTA GBIA so, lo nga lo ke mo awe. Mo yeke gbia mbeni pepe.”