Amato 19:25 - Mbeti ti Nzapa - Tënë so amu fini

²⁵ Mo pika zo ti hengo ndo, tongaso si zo so li ti lo ayeke daa pepe so, le ti lo ahan. Mo suku na zo ti hingango ndo, fade lo yeke hinga ye ahon ti kozo.

Amato 19:25 ပူးပေါင်းရင်းမြစ်များ

Amato 21:11

Tongana a pika zo ti hengo ndo, zo so le ti lo ahan pepe ayeke wara ndara. Tongana a fa ye na zo ti ndara, lo yeke kiri ti hinga ye mingi ahon ti kozoni.

Amato 17:10

Tongana a suku na zo ti hingango ndo fani oko, nzoni ye ti peko ni ayeke daa ahon ti zo ti buba so a pika lo fani ngbangbo oko.

Amato 15:5

Zo ti buba abaa ye so babâ ti lo agboto mê ti lo daa tongana mbumbuse ye; me zo so aye titene a suku na lo, lo yeke zo ti hango le.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!

Ndia ti fani use ni 21:21

Fade azo kue ti gbata ni ayeke bo lo na têne si lo kui. Lege so ala, azo ti Israel, ala yeke zi sioni ye na popo ti ala laa. Azo ti Israel kue ayeke ma tënë ni si mbeto agbu ala.

Ndia ti fani use ni 13:11

Fade mo yeke bo zo ni na têne si lo yeke kui, ngbanga ti so lo gi lege ti handa mo titene mo ke KOTA GBIA Nzapa ti mo so asara si mo sigigi na Ezipte, ndo so lani mo yeke ngbaa daa.

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Amato 9:7

Zo so agboto mê ti zo ti hengo ndo, ye so lo yeke wara na pekoni ayeke so a yeke baa lo tongana mbumbuse zo. Zo so asuku na zo ti sioni, lo yeke wara gi zonga.

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.