Amato 19:23 - Mbeti ti Nzapa - Tënë so amu fini

²³ Kpengo mbeto ti KOTA GBIA asara si zo aduti na fini; zo so asara ni, fini ti lo ayeke si singo na anzoni ye si sioni ye oko ayeke si na lo pepe.

Amato 19:23 ပူးပေါင်းရင်းမြစ်များ

Abia (Psaumes) 103:17

Me nzoni be ti KOTA GBIA angba ngbene ye kpu na kpu, lakue lakue ndali ti azo so akpe mbeto ti lo. Lo ngba ti sara ye ti mbirimbiri na amolenge ti amolenge ti ala,

Abia (Psaumes) 19:9

Andia ti KOTA GBIA ayeke mbirimbiri, andia ni ayeke zia ngia na be ti zo. Atënë ti ndia ti KOTA GBIA avuru nzoni mingi, tënë ni asara si le ti zo azi nzoni.

Abia (Psaumes) 25:13

Zo ni ayeke duti nzoni si kodro ni ayeke ga ti *ahale ti lo.

Abia (Psaumes) 85:9

Mbi ye ti ma tënë so KOTA GBIA Nzapa atene: lo tene tënë ti siriri na azo ti lo, na azo ti lo ti nzoni be. Me ayeke nzoni ala kiri asara ye ti buba ti ala pepe.

Abia (Psaumes) 90:14

Gi na ndaperere, sara nzoni be ti mo na e gbani gbani; tongaso, na lango ti fini e kue, fade e yeke dekongo na ngia.

Abia (Psaumes) 91:10

fade sioni ye oko ayeke si na mo pepe, ye ti sioni oko ayeke ga nduru na da ti mo pepe,

Abia (Psaumes) 91:16

Fade mbi yeke sara si gigi ti lo ague, ayo, alingbi na be ti lo; mbi yeke fa na lo so mbi yeke wasongo lo.”

Amato 10:27

Kpengo mbeto ti KOTA GBIA asara si gigi ti zo ague, ayo; me azo ti sioni ayeke kui hio mingi.

Amato 11:19

Zo so aleke na be ti lo ti sara ye ti mbirimbiri, fade lo yeke ngba na fini; me zo so ayeke kpe na peko ti sarango sioni ye, lo yeke gue na le ti kuâ.

Amato 12:21

Zo ti mbirimbiri, ye ti sioni ayeke si na lo pepe; me akpale gbani gbani ahon ndö ti azo ti sioni.

Amato 19:22

Ye so a yeke ku na mbage ti zo ayeke sarango nzoni be. Dutingo wayere ayeke nzoni ahon dutingo zo ti mvene.

Amato 22:4

Zo so asara tere ti lo kete, andaa lo kpe mbeto ti KOTA GBIA; ye so lo yeke wara na pekoni ayeke mosoro, azo ayeke ne lo si gigi ti lo ague, ayo.

Amato 3:24

Tongana mo yeke gue ti lango, mbeto ti mbeni ye oko ayeke sara mo pepe; tongana mo lango, lango ni ayeke nzere mingi.

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.