Amato 19:21 - Mbeti ti Nzapa - Tënë so amu fini

²¹ Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Amato 19:21 ပူးပေါင်းရင်းမြစ်များ

Amato 16:9

Zo ayeke leke na be ti lo ti mu mbeni lege, me KOTA GBIA laa ayeke mu ngangu na lo ti tambula daa.

Ésaïe 14:24

*KOTA GBIA so ayeke na ndö ti dunia kue adeba yanga ti lo, atene: “Ye so mbi leke na be ti mbi ti sarango ni ayeke si; ye so mbi ye ti sara, mbi yeke sara ni.

Amato 16:1

Azo ayeke leke apialo, me tanga ti tënë ni kue ayeke na yanga ti KOTA GBIA.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Mbeti ti Job 23:13

Me tënë ti be ti lo ayeke gi oko. Zo wa laa alingbi ti sara si lo sanze? Ye so anzere na lo ti sara, lo yeke sara ni.

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.

Zo ti bongbingo azo 7:29

Gi ye oko so mbi baa ayeke so: Nzapa asara azo kue na legeni; me ala wani laa aga na gba ti akpale na ndö ti ala.

Abia (Psaumes) 21:11

Mo yeke zi *ahale ti ala na ndö ti sese so, mo yeke zi mara ti ala na popo ti azo.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

Tongo nda ti aye 50:20

Ti ala, ala leke na be ti ala ti sara sioni na mbi. Me Nzapa aleke na be ti lo ti sara si sioni ni so aga nzoni ye. Lo sara ni titene lo soo azo mingi na kuâ; ni laa asi laso so.

Amato 12:2

Nzapa ayeke sara nzoni be na zo ti sarango nzoni; me lo yeke fâ ngbanga na li ti zo ti sarango ye na mayere.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

Esther 9:25

Me so Esther ague, abaa gbia, gbia amu yanga titene a su mbeni mbeti ti sara titene sioni so Haman aye ti sara na azuife so akiri gi na ndö ti lo wani; a mu Haman a kanga go ti lo na tere ti keke na nduzu, lo na amolenge ti lo baleoko.

Abia (Psaumes) 83:4

Ala leke tënë na hondengo ni na tere ti azo ti mo, ala ma tere ti sara sioni na azo so mo yeke bata ala.

Amato 19:22

Ye so a yeke ku na mbage ti zo ayeke sarango nzoni be. Dutingo wayere ayeke nzoni ahon dutingo zo ti mvene.

Jérémie 44:29

Baa, tënë so mbi, KOTA GBIA, mbi tene ayeke so: Mbi yeke ga na tere ti ala na Ezipte; mbi yeke fa na ala ye so ala yeke hinga na ni. Tongaso fade ala yeke hinga atene, sioni ye so mbi tene tënë ni ayeke ga taa-tënë ndali ti ala. Ye so ala yeke hinga na ni ayeke so:

2 Samuel 17:14

Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

Ezekiel 20:32

Ala yeke tene na be ti ala: ‘E ye ti ga tongana ambeni mara, tongana akete mara ti ambeni kodro, e ye ti voro keke na têne’. Me ye so ayeke si pepe.