Amato 19:14 - Mbeti ti Nzapa - Tënë so amu fini

¹⁴ Na peko ti kuâ ti ala, ababâ ayeke zia da na nginza na amolenge ti ala, me KOTA GBIA laa ayeke mu wali ti ndara na zo.

Amato 19:14 ပူးပေါင်းရင်းမြစ်များ

Tongo nda ti aye 24:44

tongana lo tene na mbi: Nyon ni ma! Mbi yeke to nga mbeni na azambala ti mo, andaa wali so KOTA GBIA adiko lo ndali ti molenge-koli ti wa ti mbi laa.’

Tongo nda ti aye 24:7

KOTA GBIA, Nzapa ti yayu, asara si mbi zia da ti babâ ti mbi, na kodro so a du mbi daa. Lo sara tënë na mbi si lo deba yanga ti lo na mbi, lo tene: ‘Mbi yeke mu kodro so na *ahale ti mo’. Lo wani laa lo yeke tokua ande *ange ti lo kozo ti mo. Kâ si mo yeke mu mbeni wali na molenge ti mbi.

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

Amato 18:22

Zo so awara wali, andaa lo wara nzoni ye; so nzoni be laa KOTA GBIA asara na lo.

Amato 3:6

Na ya ti sarango ye ti mo kue, mo dabe ti mo na lo; lo laa lo yeke leke lege so fade mo yeke tambula daa.

2 Korente 12:14

Fadeso, mbi leke tere ti mbi ti gue na ndo ti ala kâ ti fani ota ni. Mbi yeke ga ande tongana kungba na ndö ti ala pepe, ngbanga ti so mbi yeke gi anzoni ye ti ala pepe, me ala wani laa mbi yeke gi ala. Kua ti amolenge ayeke ti gi ye pepe ti bata na babâ na mama ti ala, me babâ na mama laa ayeke gi ye ti bata na amolenge ti ala.

Ndia ti fani use ni 21:16

Na lango ti kangbingo amosoro ti lo na popo ti amolenge ti lo ti koli, koli ni alingbi ti zi kozo ndo pepe na maboko ti molenge ti wali ti lo so lo ye lo pepe so ti mu na molenge ti wali ti lo so lo ye lo.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

Josué 11:23

Josué amu sese ni kue alingbi na tënë so KOTA GBIA atene ando na Moïse. Na pekoni, Josué amu ni na azo ti Israel titene aga ti ala si lo kangbi ni na lege ti amara ti ala. Tongaso, sese ni aduti na siriri, bira ayeke daa pepe.

1 Samuel 25:3

Iri ti koli ni ayeke Nabal; iri ti wali ti lo ayeke Abigail. Wali ni ahinga ndo nzoni si lo pendere mingi. Me koli ni, li ti lo ayeke daa pepe si lo yeke sioni zo. Lo yeke zo ti kete mara ti Kaleb.