Amato 19:12 - Mbeti ti Nzapa - Tënë so amu fini

¹² Ngonzo ti gbia ayeke tongana toto ti bamara; me nzoni be ti lo ayeke tongana ngu ti ndö ti pere.

Amato 19:12 ပူးပေါင်းရင်းမြစ်များ

Tongo nda ti aye 27:28

Ayeke nzoni Nzapa asara titene ngu alondo na nduzu azu na ndö ti sese ti mo si sese ti mo adu ale ti kobe mingi; lo mu na mo ale ti *ble na fini vin gbani gbani.

2 Samuel 23:4

lo yeke tongana lumiere ti ndaperere na le ti nduzu so mbinda ayeke daa pepe; lo yeke tongana lâ so ayeke sara titene pere asigigi na peko ti so ngu-Nzapa apika.”

Esther 1:12

Me Vasti, wali ti gbia, ake ti ma yanga ti gbia so lo tokua na lege ti ambaiwa so si lo ga pepe. Tongana gbia abaa ye ni tongaso, ngonzo agbu lo mingi si ngonzo ni ayeke gbi lo na be ti lo tongana wâ.

Esther 7:8

Gbia alondo na ndo so a lu apendere kongo daa so si lo kiri, lo ga na kota ya ti da ti tengo kobe ni. Tongaso, lo baa Haman so ati na tere ti Esther na ya ti kota ngende so Esther ayeke daa. Ngonzo ti gbia akiri alondo ngangu si lo dekongo atene: “Na ndö ni kue, lo ye ti gbu wali ti mbi na ngangu ti lango na lo taa na le ti mbi na ya ti yangbo ti mbi?” Gi so lo tene tënë ni tongaso, azo ti kua ti gbia agbu Haman si ala kanga le ti lo na bongo.

Abia (Psaumes) 133:3

Ye ni ayeke tongana ngu ti pere ti ndö ti hoto ti Hermon so ayeke zu na ndö ti hoto ti Sion. Na ndo so laa KOTA GBIA ayeke sara tufa na ndö ti azo si lo yeke mu na azo fini, kpu na kpu.

Abia (Psaumes) 72:6

Ayeke nzoni gbia ni aga tongana ngu-Nzapa so ayeke pika na ndö ti pere so a fâ li ni awe; lo ga tongana ngu-Nzapa so atuku na ndö ti sese ngbii si awoko!

Amato 20:2

Ngonzo ti wâ ti gbia ayeke tongana toto ti bamara so ayeke zia kota mbeto na be ti zo; zo so asara si ngonzo ti gbia alondo, lo gi kuâ na tere ti lo wani.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Zo ti bongbingo azo 8:4

Biani, tënë ti gbia ayeke na ngangu; zo wa laa alingbi ti tene na lo: “Nyen laa mo yeke sara so?”

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Daniel 6:24

Ngia asi be ti gbia si lo mu yanga titene a sigigi na Daniel na ya ti du ni. Gi so a sigigi na Daniel na ya ti du ni awe, azo abaa so ka oko ayeke na tere ti lo pepe, ngbanga ti so lo zia be ti lo na ndö ti Nzapa ti lo.

Osée 14:5

KOTA GBIA atene: “Fade mbi yeke zi nzara ti kengo mbi so ayeke na be ti ala so; mbi yeke ye ala na be ti mbi kue, ngbanga ti so ngonzo ti mbi akai na tere ti ala awe.

Mishe 5:7

Azo ti Israel so ayeke ngba na fini na popo ti amara gbani gbani, ayeke ga tongana bamara na popo ti anyama ti ngonda, tongana kete bamara na popo ti ataba. Na hongo ti lo na popo ti ala, lo yeke do ala na gere ti lo si lo yeke suru ya ti ala; zo oko alingbi ti zi ala na maboko ti lo pepe.

Ndia ti fani use ni 33:28

Azo ti Israel aduti na siriri; *ahale ti Jacob aduti nde na ya ti mbeni kodro so ale ti kobe na fini vin ayeke daa, ngu ti pere alondo na yayu si ayeke ti na ndö ni.