Amato 19:10 - Mbeti ti Nzapa - Tënë so amu fini

¹⁰ Titene zo ti buba aduti na gba ti apendere ye, so alingbi na lo pepe; titene ngbaa ayeke sara komandema na ndö ti amakonzi, so alingbi nga kete pepe.

Amato 19:10 ပူးပေါင်းရင်းမြစ်များ

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

Esther 3:15

Gi so gbia amu yanga awe, azo ti tokua ni asigigi na kota loro si ala gue na ambeti ni. Azo atambula na ya ti kota kodro ti Suze kue ti fa na azo tënë ti ndia so. Tongaso gbia na Haman aduti ti nyon ye. Me li ti azo ti gbata ti Suze kue aga kirikiri.

Amato 17:7

Pendere tënë alingbi na buba zo pepe; âdu ti kota zo, atënë ti mvene alingbi na lo oko pepe.

Amato 26:1

Titene ngangu de asara na ngoi ti ndo-wâ, wala titene ngu apika na ngoi ti fango ale ti kobe, so ayeke na legeni pepe. Legeoko nga, gondango iri ti zo ti buba ayeke na legeni pepe.

Ésaïe 3:5

Azo ayeke sara ngangu na amba ti ala na popo ti ala, zo oko oko ayeke sara ngangu na mba ti lo. Molenge ayeke londo ti tiri na kangba; senge zo ayeke londo ti tiri na kota zo.

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Nzoni Tënë so Luc asu na mbeti 16:19

“Ando, mbeni zo ti mosoro ayeke daa so lo yeke yu gi apendere bongo ti nginza. Lo yeke duti nzoni si lakue na da ti lo, gi matanga na matanga.

Nzoni Tënë so Luc asu na mbeti 16:23

Na ndo ti akuâ, zo ti mosoro ni ayeke baa pasi mingi. Lo yo le ti lo na nduzu si lo baa Abraham yongoro kâ; Lazare ayeke na tere ti lo.

Jacques 4:9

Ala duti na vundu, ala dema tere ti ala, ala toto maa! Ala zia ti he ngia si ala toto, ala zia lege ti ngia si ala duti na vundu!

1 Samuel 25:36

Abigail akiri na tere ti Nabal. Andaa na da kâ, Nabal asara matanga tongana matanga ti gbia. Tere ti Nabal anzere mingi si lo nyon samba ahon ndö ti lo. Abigail atene tënë oko na lo pepe ngbii asi na kota ndaperere.