Amato 18:8 - Mbeti ti Nzapa - Tënë so amu fini

⁸ Atënë ti mvene so zo adu na iri ti mba ti lo ayeke tongana mbeni nzerengo kobe; atënë ni ayeke li zo ngbii asi na be ti lo.

Amato 18:8 ပူးပေါင်းရင်းမြစ်များ

Abia (Psaumes) 52:2

David ahe bia so na ndembe so Doeg, zo ti mara ti Edom ague, atene na Saul, atene: “Baa David ayeke na da ti Ahimelek”.

Amato 12:18

Zo so ayeke diko atënë gbani gbani, atënë ni ayeke kpo zo tongana yongoro zeme; me atënë ti azo ti ndara ayeke tongana yoro ti kaingo na kobela.

Amato 16:28

Zo ti handango ndo ayeke sara si papa alondo; zo so ayeke du mvene na li ti azo, lo yeke bi kangbi na popo ti akamarade.

Amato 18:7

Tënë ti zo ti buba ayeke buba fini ti lo wani; atënë ti yanga ti lo aga kuku ndali ti lo wani.

Amato 18:9

Zo so asara sopo na kua ti lo, lo yeke ita ti zo so abuba kua ni.

Awayango-sandaga 19:16

Ala du mvene na li ti azo ti kodro ti ala pepe. Ala bi tënë na li ti mba ti ala titene a fâ ngbanga ti kuâ na li ti lo pepe. Mbi laa mbi yeke KOTA GBIA.