Amato 18:6 - Mbeti ti Nzapa - Tënë so amu fini

⁶ Atënë ti zo ti buba ayeke sara si tiri alondo; atënë ti yanga ti lo ayeke pusu azo ti pika tere.

Amato 18:6 ပူးပေါင်းရင်းမြစ်များ

Amato 12:16

Zo ti buba ayeke sara si azo ahinga ngonzo ti lo hio; me zo ti hango le ayeke honde ngonzo ti be ti lo.

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Amato 14:3

Na ya ti atënë ti zo ti buba, atënë ti baba laa ayeke sigigi daa; me atënë ti azo ti ndara ayeke bata ala.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Amato 19:19

Zo so be ti lo wâ wâ, alingbi lo futa mbeni lamande. Tongana a diko lamande na li ti lo pepe, andaa a yeke pusu lo ti kiri ti sara ngonzo.

Amato 19:29

A leke ngbanga ndali ti azo ti hengo ndo; pika ayeke ku ngbonda ti azo ti buba kungo.

Amato 20:3

Zo so ayoro tere ti lo na ya ti tiri pepe, lo yeke ne tere ti lo; me ti azo ti buba, tere ti ala ayeke do dongo ti li na ya ti tiri.

Amato 22:10

Tumba zo ti hengo ndo, tongaso si tënë ti papa, tënë ti tiri na abuba tënë akai.

Amato 25:24

Ti lango na gigi na gbe ti mbeni gbefa ayeke nzoni ahon ti lango na ya ti da oko na wali so aye tënë ti papa mingi.

Amato 27:3

Têne na mbutu ane; me ngonzo ti zo so li ti lo ayeke daa pepe ane ahon aye use so kue.

Amato 29:9

Tongana zo ti ndara ague na zo ti buba na ngbanga, ataa lo sara ngonzo, ataa lo he ngia, fade lo yeke duti kpoo laoko pepe.