Amato 18:4 - Mbeti ti Nzapa - Tënë so amu fini

⁴ Nda ti atënë ti zo ali tongana kota ngu; atënë ni ayeke tongana ngu so ayeke sua, tongana li ti ngu so ayeke mu ndara na zo.

Amato 18:4 ပူးပေါင်းရင်းမြစ်များ

Abia (Psaumes) 78:2

Mbi yeke zi yanga ti mbi ti tene tënë na lege ti mbeni toli si ye so angba ando na hondengo ni, e lingbi ti manda ye na lege ni.

Amato 10:11

Atënë ti zo ti mbirimbiri ayeke tongana li ti ngu so ayeke mu fini na zo; me atënë ti zo ti sioni ahonde aye ti sarango ngangu na zo.

Amato 13:14

Fango ye ti zo ti ndara ayeke tongana li ti ngu so ayeke mu fini na zo; ayeke sara si zo akpe aye ti sioni so aye ti gbu lo tongana kuku si ayeke fâ lo.

Amato 16:22

Hingango ndo ayeke tongana li ti ngu so ayeke mu fini na zo so ayeke na ni. Me pika so azo ti buba ayeke wara ayeke ye ti buba ti ala wani.

Amato 18:3

Tongana sioni zo aga, bango mba tongana mbumbuse zo nga aga; tongana zonga aga, kamene nga aga.

Amato 20:5

Atënë ti be ti zo ali tongana kota ngu; zo so ahinga ndo laa alingbi ti sigigi na ni.

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Kolose 4:6

Ayeke nzoni atënë ti yanga ti ala anzere nzerengo, asara nzoni na zo; ala hinga ti kiri tënë na zo na legeni.