Amato 18:2 - Mbeti ti Nzapa - Tënë so amu fini

² Mango ya ti ye anzere na zo ti buba pepe; me lo ye ti fa na le ti azo kue gi atënë ti be ti lo.

Amato 18:2 ပူးပေါင်းရင်းမြစ်များ

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Amato 1:7

Kpengo mbeto ti KOTA GBIA ayeke tongo nda ti hingango ye. Gi azo ti buba laa abaa ndara na anzoni wango na le ti ala tongana mbumbuse ye.

Amato 12:23

Zo ti hango le ayeke honde ye so lo hinga; me azo ti buba afa polele tënë ti buba ti ala.

Amato 13:16

Zo ti hango le ayeke gbu li ti lo kozo titene lo sara mbeni ye; me zo ti buba ayeke fa buba ti lo na le ti azo kue.

Amato 17:16

Nginza ayeke sara nyen na maboko ti zo ti buba? Lo ye ti vo na ndara? Ka so li ti lo ayeke daa pepe so!

Amato 18:3

Tongana sioni zo aga, bango mba tongana mbumbuse zo nga aga; tongana zonga aga, kamene nga aga.

Zo ti bongbingo azo 10:3

Tongana zo ti buba atambula na ndö ti lege, li ti lo aga kirikiri; lo sara si azo ahinga atene, lo yeke zo ti buba.

Matthieu 8:34

Tongaso azo ti gbata ni kue ague ti tengbi na Jésus. So ala baa lo, ala voro lo ti londo na sese ti ala ti hon.

1 Korente 14:12

So ala yeke na nzara mingi ti wara amatabisi ti Yingo, ayeke nzoni ala gi ti wara amatabisi so ayeke sara titene Eglize akpengba.

1 Korente 8:1

Âdu tënë ti anyama so a yeke ya na *sandaga na anzapa nde, taa-tënë, tongana ti so ala yeke tene: “E kue, e yeke azo ti hingango ye.” Hingango ye so ayeke sara si baba ahon ndö ti zo, me ndoye ayeke sara si zo ti Christ amai.

Filipe 1:15

Mbi hinga so ambeni zo ayeke fa tënë ti Christ gi na kota be wala ti gi na yanga ti mbi; me ambeni ayeke fa tënë ni na nzoni be.