Amato 18:19 - Mbeti ti Nzapa - Tënë so amu fini

¹⁹ Ayeke ngangu ti ga nduru na tere ti mbeni ita so be ti lo aso tongana ti so ayeke ngangu ti li na ya ti mbeni gbata so ngangu gbagba ayeke na tere ni. Atënë ti papa ayeke tongana ngbongboro wen so a yeke kanga na yanga-da ti kota zo.

Amato 18:19 ပူးပေါင်းရင်းမြစ်များ

Tongo nda ti aye 37:11

A-ita ti Joseph asara kota be na tere ti lo. Me babâ ti lo angba ti dabe ti lo na atënë so.

2 Samuel 13:22

Absalom azi yanga oko na Amnon pepe, be ti lo ake Amnon ngbanga ti so lo buba Tamar, ita ti Absalom.

2 Samuel 13:28

Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

2 Mbai 13:17

Abia na aturugu ti lo afâ azo ti Israel gbani gbani: akpengba turugu ti Israel 500 000 akui.

Amato 16:32

Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.

Amato 18:18

Azo ayeke bi ka *dee ti kai na papa; ala yeke bi nga ni ti fâ ngbanga na popo ti angangu zo.

Amato 18:20

Zo alingbi ti wara kobe ti yanga ti lo na lege ti atënë ti lo; atënë so lo tene alingbi ti sara si ya ti lo asi.

Amato 6:19

zo so ayeke na tere ti mbeni tënë, me na pekoni lo tene mvene na le ti ngbanga, nga na zo so ayeke bi tënë ti papa na popo ti a-ita.

Awatokua 15:39

Tënë ni aga ngangu na popo ti ala, asara si ala kangbi. Barnabas amu Marc na tere ti lo si lo mu mangboko ti gue na Shipre.

1 Samuel 17:28

Eliab, yaya ti David ama tënë so David ayeke tene na azo. Ngonzo agbu lo na tere ti David si lo tene na lo: “Mo ga ge ngbanga ti nyen? Mo zia akete nyama ti mo na benyama na zo wa? Mbi hinga mo kue; mo yeke zo ti karapiri si mo sara mbana ahon ndoni. Mo ga ge ti baa bira.”