Amato 18:18 - Mbeti ti Nzapa - Tënë so amu fini

¹⁸ Azo ayeke bi ka *dee ti kai na papa; ala yeke bi nga ni ti fâ ngbanga na popo ti angangu zo.

Amato 18:18 ပူးပေါင်းရင်းမြစ်များ

1 Mbai 24:31

Tongana ti so a-ita ti ala, ahale ti Aaron asara, ala nga abi mbeni ye ti baa na lege ti kua ti ala. Ala sara ye ni na dawa ti gbia David, lo na Sadok, Ahimelek, amakonzi ti asewa ti awayango-sandaga nga na azo ti mara ti Lévi. Tongaso, kua so a mu na kota zo ti sewa, gi ni laa a mu na ngambe ni.

1 Mbai 6:63

Na sese ti azo ti mara ti Ruben, na To ti Jourdain, na ndo so abaa le na gbata ti Jéricho, agbata so a mu na ala ayeke so: Beser na ando so ayeke na tere ni si ayeke na benyama; Yahas na ando so ayeke na tere ni;

Néhémie 11:1

Amakonzi ti azo ni aga aduti na Jérusalem. Ti tanga ti azo ni, a bi mbeni ye ti baa zo wa laa na popo ti azo baleoko so alingbi ti duti na Jérusalem, gbata so ayeke nde si ayeke nzoni kue. Atanga ni gumbaya ayeke ngba ti ala na ya ti agbata nde nde ti kodro ni.

Amato 16:33

Azo ayeke bi ye ti hinga na nda ti ye; tanga ti tënë kue ayeke na yanga ti KOTA GBIA.

Amato 18:17

Zo so amu tënë kozo na le ti ngbanga, azo abaa atene, atënë ti lo ayeke na legeni; me tongana mbeni zo nde aga, atënë ti lo ayeke gue nde na ti kozo zo ni.

Amato 18:19

Ayeke ngangu ti ga nduru na tere ti mbeni ita so be ti lo aso tongana ti so ayeke ngangu ti li na ya ti mbeni gbata so ngangu gbagba ayeke na tere ni. Atënë ti papa ayeke tongana ngbongboro wen so a yeke kanga na yanga-da ti kota zo.

Josué 14:2

A bi mbeni ye ti baa lege so a yeke kangbi sese ni na amara gumbaya na ndambo so ade ti wara sese pepe. Ala sara ni tongana ti so *KOTA GBIA amu yanga na Moïse.

1 Samuel 14:41

Saul atene na KOTA GBIA: “Nzapa ti Israel, fa na e nda ti ye so mbirimbiri.” Ye so ala bi ti hinga zo wa laa asara siokpari so, ye ni afa Jonatan na Saul. Ye ni afa so aturugu ti Israel ayeke na ya ni oko pepe.

1 Samuel 14:42

Saul atene: “Ala bi ye ti baa tënë ni na popo ti mbi na molenge ti mbi Jonatan.” Ye ni afa Jonatan.