Amato 18:15 - Mbeti ti Nzapa - Tënë so amu fini

¹⁵ Zo ti gbungo-li ayeke gi lege ti hinga ye; zo ti ndara ayeke gi lege ti ma atënë so ayeke fa ye na lo.

Amato 18:15 ပူးပေါင်းရင်းမြစ်များ

1 Agbia 3:9

Tongaso, mu na mbi, zo ti kua ti mo hingango ndo so alingbi titene mbi sara na komandema na ndö ti azo ti mo, titene mbi hinga ye so ayeke nzoni na ye so ayeke sioni. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

Mbeti ti Job 8:10

Me azo so ayeke kozo ti e ayeke fa ye na mo, ala yeke tene na mo *amato so be ti ala agirisa na ni pepe:

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

Amato 10:14

Azo ti ndara abata hingango ye ti ala tongana mosoro; me atënë ti zo ti buba ayeke buba ndo hio.

Amato 15:14

Zo so ayeke gbu li ti lo ayeke gi lege ti hinga ye; me ti azo ti buba, ye ti buba laa aga kobe ti ala ti tengo ni.

Amato 15:31

Zo so adingi mê ti lo ti ma atënë ti gbotongo mê so ayeke mu fini na zo, lo yeke duti na popo ti azo ti ndara.

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Amato 4:5

Sara kue ti wara ndara na hingango nda ti ye. Be ti mo agirisa na atënë ti yanga ti mbi pepe; mo hon nde na atënë ni pepe.

Amato 4:7

Tongo nda ti ndara ayeke so: mo sara kue ti wara ndara. Ye so kue mo wara, mo mu ni ti wara na hingango nda ti aye.

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

Nzoni Tënë so Luc asu na mbeti 10:39

Lo yeke na mbeni ita ti lo ti wali so iri ti lo Marie. Marie aduti na sese na tere ti gere ti *Kota Gbia si lo yeke ma tënë so lo yeke tene.

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.