Amato 18:12 - Mbeti ti Nzapa - Tënë so amu fini

¹² Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Amato 18:12 ပူးပေါင်းရင်းမြစ်များ

1 Agbia 3:7

Biani, KOTA GBIA Nzapa ti mbi, mo laa mo mu mbi, zo ti kua ti mo titene mbi le-gbia na plase ti babâ ti mbi David, ataa so mbi de molenge si mbi hinga lege ti sara komandema pepe.

Amato 11:2

Tongana zo aga zo ti baba, aninga pepe lo ga zo ti kamene; me zo ti ndara ayeke zo so asara tere ti lo kete.

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 28:9

Na dawa ti zo so ayeke fâ ande mo, mo lingbi ti tene: ‘Mbi yeke nzapa’? Andaa na gbe ti maboko ti azo so ayeke fâ mo so, mo yeke gi senge zo, mo yeke nzapa lawa!

Ezekiel 29:9

Fade Ezipte ayeke buba kue si ayeke ga benyama. Tongaso, fade azo ayeke hinga atene, mbi laa mbi yeke KOTA GBIA. “Mo tene: ‘Ngu ti Nil ayeke ti mbi; mbi laa mbi sara ni.’

Daniel 9:20

“Mbi ngba ti tene tënë, ti sambela si ti fa siokpari ti mbi na ti azo ti mbi so ayeke azo ti Israel; mbi ngba ti voro tere ti mbi na KOTA GBIA Nzapa ti mbi ndali ti hoto ti lo so ayeke nde si ayeke nzoni kue.

Daniel 9:23

Gi so mo to nda ti voro tere ti mo na Nzapa, mbeni tënë asigigi. Nilaa mbi ga ti fa ni na mo, ngbanga ti so Nzapa aye mo. Ayeke nzoni mo ma tënë so nzoni si mo gi ti ma ya ti ye so mo baa na ya ti mbeni ye tongana bango-li so.

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”