Amato 17:9 - Mbeti ti Nzapa - Tënë so amu fini

⁹ Zo so ayeke zi tënë na li ti azo, lo yeke gi titene ala ye lo; me zo so ayeke kiri na ndö ti tënë ni, fade amba ti lo ayeke ke lo.

Amato 17:9 ပူးပေါင်းရင်းမြစ်များ

Abia (Psaumes) 32:1

Bia ti David. Bia ti fango ye na zo. Ti lo nzoni, zo so a zi sioni ti lo na li ti lo awe, so a zi siokpari ti lo na li ti lo awe!

Amato 10:12

Kengo zo ayeke du papa; me ndoye ayeke kanga ndö ti sioni ye kue.

Amato 16:28

Zo ti handango ndo ayeke sara si papa alondo; zo so ayeke du mvene na li ti azo, lo yeke bi kangbi na popo ti akamarade.

Amato 17:10

Tongana a suku na zo ti hingango ndo fani oko, nzoni ye ti peko ni ayeke daa ahon ti zo ti buba so a pika lo fani ngbangbo oko.

1 Korente 13:4

Ndoye ayeke kanga be ti lo, lo yeke sara nzoni, lo yeke sara kota be pepe, lo yeke pika kate ti lo pepe, lo yeke sara baba pepe;

Jacques 5:20

Alingbi ala hinga atene, zo so agboto zo na sioni lege ti siokpari si akiri na lo na nzoni lege, fade lo yeke sara titene zo ni asoo kuâ; lo yeke sara nga titene Nzapa azi gba ti asiokpari so ayeke na li ti zo ni.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.