Amato 17:8 - Mbeti ti Nzapa - Tënë so amu fini

⁸ Ambeni zo abaa ti ala petengo goro tongana waraga so ayeke zi lege na ala; ala baa atene, ndo so kue ala yeke gue daa, aye ti ala kue ayeke ga nzoni.

Amato 17:8 ပူးပေါင်းရင်းမြစ်များ

Tongo nda ti aye 32:14

Jacob alango na ndo so na bi ni so. Lo mu ambeni ye na popo ti aye so lo yeke na ni titene lo sara na kadoo na ita ti lo Ezau.

Tongo nda ti aye 32:21

Fade ala tene na lo: ‘Baa, zo ti gbe ti mo Jacob ayeke ga na peko ti e.’ ” Biani, Jacob ayeke tene na be ti lo, atene: “Mbi yeke tokua na lo kadoo so kozo ti sara si be ti lo ade. Na pekoni, mbi yeke baa ande lo le na le. Mbi hinga pepe, fade lo yeke yamba mbi nzoni.”

Tongo nda ti aye 43:11

Babâ ti ala Jacob atene na ala: “Tongana ye ni ayeke tongaso, ayeke nzoni ala sara ye so mbi yeke tene na ala so. Ala mu anzoni le ti keke ti kodro ti e azia na ya ti akungba ti ala; ala gue na ni na koli ni. Ala mu ambeni yombo na yoro kete, mafuta ti wotoro kete, ambeni le ti pistashe na amande.

Abia (Psaumes) 18:16

KOTA GBIA, so mo suku ngangu si ngonzo ti mo ti wâ alondo ngangu so, azo abaa taa gbe ti akota ngu kue; agere ti sese kue asigigi polele.

Abia (Psaumes) 19:6

Na ndaperere, lâ ayeke sigigi tongana fini koli so ayeke sigigi na ya ti kubu ti lo, tongana wanguru so ayeke na ngia ti mu loro.

Abia (Psaumes) 21:13

Biani, mo yeke sara si ala kpe kirikiri, mo yeke gboto ya ti kokora ti mo ti pika na ala.

Abia (Psaumes) 29:4

Go ti KOTA GBIA ayeke toto ngangu mingi; go ti KOTA GBIA ayeke fa nengo ti lo ti gbia.

Sigingo 23:8

Tongana mbeni zo aye ti pete goro na ala, ala yeda na ni pepe, ngbanga ti so goro ayeke vuko le ti zo, ataa zo so le ti lo azi; asara si fango ngbanga ague kirikiri.

Amato 17:23

Zo ti sioni amu goro so a pete na lo na hondengo ni ti sara si mbirimbiri fango ngbanga aduti daa pepe.

Amato 18:16

Akadoo ayeke zi yanga-da kota na zo; ayeke sara si lege azi na lo ti baa akota zo.

Amato 21:14

Kadoo so a yeke mu na hondengo ni ayeke sara si ngonzo ti zo ade; nzoni ye so a yeke pete na ya ti maboko ti zo ayeke kai ngonzo ti wâ ti lo.

Zo ti bongbingo azo 7:7

Zo ti ndara so ato nda ti sara ngangu na azo, lo yeke ga zo ti buba; petengo goro ayeke buba ya ti li ti zo.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Amos 5:12

Biani, mbi hinga gba ti asioni ye so ala sara na asiokpari ti ala so ahon ndoni so. Ala yeke sara ngangu na azo ti mbirimbiri, ala yeke mu goro na maboko ti azo. Na le ti ngbanga, ala yeke kanga lege titene a fâ ngbanga ti azo ti mawa na legeni.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

1 Samuel 25:35

Aye so Abigail aga na ni, David amu na maboko ti lo. Na pekoni, David atene na lo: “Kiri nzoni na da ti mo. Mbi ma demango tere ti mo awe, mbi sara nzoni be na mo.”