Amato 17:2 - Mbeti ti Nzapa - Tënë so amu fini

² Zo ti kua so le ti lo ahan, lo yeke mu ndo ti molenge ti da so azia kamene na le ti azo. Fade zo ti kua ni ayeke wara akungba na peko ti kuâ ti babâ ni legeoko na tanga ti amolenge ni.

Amato 17:2 ပူးပေါင်းရင်းမြစ်များ

Amato 10:5

Zo so abongbi ale ti kobe na ngoi ti fango le ni, lo yeke zo ti ndara; me zo so alango na ngoi ni so, a yeke baa lo tongana mbumbuse zo.

Amato 11:29

Zo so aga na kpale na ya ti sewa ti lo, fade lo yeke wara ye oko pepe titene aga ti lo wani. Zo ti buba ayeke ga ngbaa ti zo ti ndara.

Amato 14:35

Be ti gbia anzere na zo ti kua so ahinga kua ti lo; me lo yeke sara ngonzo na tere ti zo ti kua so azia kamene na le ti lo.

Amato 17:1

Tengo holengo nduru mapa na ndo so siriri ayeke daa ayeke nzoni ahon tengo kobe ti matanga na ya ti da so gba ti tënë asi singo daa.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Amato 19:26

Molenge so asara ngangu na babâ ti lo si lo tumba mama ti lo, lo yeke molenge so azia kamene na le ti azo si lo bi buba na tere ti ala.

Amato 29:15

Pikango molenge na sukungo na lo asara si lo duti na ndara; me molenge so azia lo gi senge tongaso, lo yeke zia kamene na le ti mama ti lo.

Zo ti bongbingo azo 4:13

Molenge so ayeke zo ti ndara si lo yeke na mosoro pepe, lo hon mbeni gbia so aga mbakoro awe si ayeke ma wango pepe, ngbanga ti so lo yeke zo ti buba.