Amato 17:17 - Mbeti ti Nzapa - Tënë so amu fini

¹⁷ Zo so aye mba ti lo, lo yeke ye lo na ngoi kue. A du ita titene lo mu maboko na ya ti ye ti ngangu.

Amato 17:17 ပူးပေါင်းရင်းမြစ်များ

2 Samuel 1:26

Ita ti mbi Jonatan, ndali ti mo, mbi yeke na vundu. Mo ye mbi lani mingi; yengo so mo ye na mbi ahon ti so koli aye wali ti lo.

2 Samuel 15:21

Itai akiri tënë na gbia: “KOTA GBIA ayeke na fini! Gbia, kota zo ti mbi ayeke nga na fini! Ndo so kue gbia ti mbi ayeke gue daa, ataa ayeke ti kui wala ti ngba na fini, mbi yeke gue daa.”

Esther 4:14

Ataa mo ke ti zi yanga na ndö ti ye so asi na e fadeso, ye ti zingo azuife na ya ti mawa nga na ya ti kuâ ayeke londo ande na mbeni ndo nde. Me ti mo na sewa ti mo kue, fade ala yeke kui. Mbi hinga pepe, ndali ti zingo e na ya ti ye ti ngangu tongaso si mo ga wali ti gbia so!”

Amato 16:28

Zo ti handango ndo ayeke sara si papa alondo; zo so ayeke du mvene na li ti azo, lo yeke bi kangbi na popo ti akamarade.

Amato 18:24

Zo so ayeke na gba ti akamarade, ye so alingbi ti ga kota kungba na ndö ti lo; me taa kamarade ayeke sara na mo ahon ita ti mo.

Amato 19:13

Molenge ti buba ayeke ga na kpale na ndö ti babâ ti lo. Wali so aye tënë ti papa, lo yeke tongana li ti da so akoro si ngu ayeke yuru daa lakue.

Amato 19:7

A-ita ti wayere kue ayeke ke lo; ti akamarade ti lo, ye ni ahon ndoni: ala yeke kpe lo kpengo. Tongana lo ye ti tene tënë na ala, andaa peko ti ala ayo awe.

Ahebro 2:11

Lo so ayeke zia azo nde ndali ti Nzapa, lo na azo ni ayeke gi na Babâ oko. Ndani laa, lo yeke na kamene ti iri ala a-ita ti ni pepe.

Ruth 1:16

Me Ruth akiri tënë, atene: “Mo gbu mbi na ngangu titene mbi kiri na ndo ti mbi si mbi zia gi mo oko pepe. Ndo so mo yeke gue ande daa, mbi nga, mbi yeke gue daa. Ndo so mo yeke lango ande daa, mbi nga, mbi yeke lango daa. Azo ti mo ayeke ga azo ti mbi; Nzapa ti mo ayeke ga Nzapa ti mbi.

1 Samuel 18:3

Tongaso, Jonatan na David aleke tënë na popo ti ala, ngbanga ti so Jonatan aye lo tongana ti so lo ye na tere ti lo wani.

1 Samuel 19:2

Jonatan atene tënë ni na David, lo tene: “Babâ ti mbi Saul ayeke gi lege ti fâ mo. Kekereke na ndaperere, mo sara hange. Mo gi mbeni ndo, mo honde tere ti mo daa.

1 Samuel 19:3

Ti mbi, fade mbi yeke sigigi, mbi tambula na babâ ti mbi na yaka so mo yeke gue ande daa. Mbi yeke tene tënë ti mo na babâ ti mbi ti hinga tënë ti be ti lo si mbi yeke tene peko ni na mo.”

1 Samuel 20:17

Jonatan akiri ahunda na David ti deba yanga ti lo ti fa so, David angba ti ye ni Jonatan, ngbanga ti so ni Jonatan, ni ye David tongana ti so ni ye tere ti ni wani.

1 Samuel 23:16

Mbeni lâ, Jonatan, molenge ti Saul alondo, ague, awara David na Horsha; lo mu wango ti kpengba be ti David na iri ti Nzapa.