Amato 17:15 - Mbeti ti Nzapa - Tënë so amu fini

¹⁵ Zo so amu mbeni zo so tënë ayeke na li ti lo tongana zo ti mbirimbiri, lo na zo so amu zo ti mbirimbiri tongana zo so tënë ayeke na li ti lo, ala use kue, be ti KOTA GBIA ake ala mingi.

Amato 17:15 ပူးပေါင်းရင်းမြစ်များ

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

Abia (Psaumes) 94:21

Ala bongbi ti sara sioni na zo ti mbirimbiri, ala fâ ngbanga ti kuâ na li ti zo so tënë ayeke na li ti lo pepe.

Sigingo 23:7

Ala zia mê ti ala ti ma atënë ti mvene pepe. Zo so tënë ayeke na li ti lo pepe wala zo ti mbirimbiri, ala fâ lo pepe. Biani, mbi Kota Gbia, zo so tënë ayeke na li ti lo, mbi yeke zia lo senge tongaso pepe.

Amato 11:1

Kilo so ayeke na legeni pepe, be ti KOTA GBIA ake ni mingi; me be ti lo anzere ndali ti kilo so ayeke na legeni.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 17:26

Ti diko lamande na li ti zo ti mbirimbiri ayeke nzoni pepe; ti pika akota zo ayeke na legeni pepe.

Amato 18:5

Tongana zo ake ti fâ ya ti ngbanga ti zo ti mbirimbiri si lo mu gi mbage ti zo ti sioni, so ayeke nzoni pepe.

Amato 31:5

Tongana ala nyon samba ahon ndö ti ala, fade ala yeke girisa tënë ti ndia si ala yeke fâ ngbanga ti asenge zo na legeni pepe.

Amato 6:16

Aye omene ayeke daa so KOTA GBIA ake ni; mbarambara ni ayeke nga daa so ayeke sioni mingi na le ti lo:

Ésaïe 5:20

Mawa na ala, azo so abaa ye ti sioni si ala tene ye ti nzoni laa! Ala baa ye ti nzoni si ala tene ye ti sioni laa. Ala mu vukongo ndo tongana vurungo ndo, ala mu vurungo ndo tongana vukongo ndo. Ala mu ye so asee sengo, tongana ye so anzere, ala mu ye so anzere nzerengo tongana ye so asee.

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Abia ti demango tere 3:35

so azo ayeke buba zo na ndö ti ye ti lo na le ti Nzapa so ayeke na yayu kâ na ndö ti aye kue so,

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Amos 5:12

Biani, mbi hinga gba ti asioni ye so ala sara na asiokpari ti ala so ahon ndoni so. Ala yeke sara ngangu na azo ti mbirimbiri, ala yeke mu goro na maboko ti azo. Na le ti ngbanga, ala yeke kanga lege titene a fâ ngbanga ti azo ti mawa na legeni.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Rome 4:5

Me zo so asara kua pepe si lo ma na be na Nzapa so ayeke sara titene azo ti sioni aga azo ti mbirimbiri, fade mabe ti lo ayeke sara si Nzapa abaa lo tongana zo ti mbirimbiri.

Ndia ti fani use ni 25:1

Moïse atene: Tongana azo use awara tënë na popo ti ala si ala use kue ague na ngbanga titene a fâ ya ti tënë ni, zo so tënë ayeke na li ti lo, fade a yeke fâ ngbanga na li ti lo; zo so tënë ayeke na li ti lo pepe, a yeke bi tënë na li ti lo pepe.

Jacques 5:6

Zo so asara ye ti sioni pepe, ala fâ ngbanga na li ti lo si ala fâ lo; me lo wara ngangu ti zi yanga ti lo na ala oko pepe.