Amato 17:13 - Mbeti ti Nzapa - Tënë so amu fini

¹³ Zo so ayeke kiri sioni ndali ti nzoni, akpale ayeke zia da ti lo laoko pepe.

Amato 17:13 ပူးပေါင်းရင်းမြစ်များ

2 Samuel 12:10

Ti fadeso, tënë ti fango zo ayeke ngba lakue na ya ti da ti mo, ngbanga ti so mo baa mbi tongana mbumbuse ye si mo mu wali ti Urii, zo ti mara ti Het si lo ga wali ti mo.

1 Agbia 21:22

Mbi yeke sara na azo ti sewa ti mo gi mara ti ye so mbi sara na azo ti sewa ti Yeroboam, molenge ti Nebat nga na azo ti sewa ti Basha, molenge ti Ahia. Biani, mo sara si ngonzo alondo na be ti mbi; mo sara nga si azo ti Israel asara siokpari.’

Abia (Psaumes) 35:12

Nzoni so mbi sara, ala kiri gi sioni na mbi; fadeso mbi ngba gi mbi oko.

Abia (Psaumes) 38:20

Awato ti mbi angba na fini, ala yeke na ngangu; azo so ake mbi senge senge, ala yeke mingi.

Amato 13:21

Sioni ye ayeke tumba peko ti azo ti siokpari; ti azo ti mbirimbiri, gi nzoni ye laa ala yeke wara daa.

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Matthieu 27:5

Tongaso Judas atuku nginza ni na ya ti kota da ti Nzapa si lo sigigi, lo gue. Na pekoni, lo kanga kamba na go ti lo si lo fâ tere ti lo.

Rome 12:17

Tongana mbeni zo asara sioni na ala, ala kiri peko ni na lo pepe. Ala gi lege ti sara ye so ayeke nzoni na le ti azo kue.

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

1 Samuel 19:4

Jonatan atene nzoni tënë ti David na babâ ti lo Saul, atene: “Ayeke nzoni gbia asara siokpari pepe na tere ti zo ti kua ti lo David, ngbanga ti so lo sara siokpari na tere ti mo pepe. Me lo sara nzoni ye mingi ndali ti mo.

1 Samuel 24:17

So David atene tënë so awe, Saul ahunda ndo, atene: “David molenge ti mbi, taa go ti mo laa?” Na pekoni, Saul ati na kota toto.

1 Samuel 25:21

David atene na be ti lo, atene: “Aye ti koli so kue mbi bata na benyama so, mbi bata ni senge senge-aa! Na popo ti aye ti lo kue, mbeni ye oko agirisa pepe. Mbi sara nzoni na lo si lo kiri lo sara sioni na mbi.