Amato 17:12 - Mbeti ti Nzapa - Tënë so amu fini

¹² Tengbingo tere na mama ti mbeni sioni nyama so a zi amolenge ti lo na tere ti lo, so laa ayeke nzoni ahon tengbingo tere na zo so ahinga ndo pepe si sarango aye ti buba ahon ndö ti lo.

Amato 17:12 ပူးပေါင်းရင်းမြစ်များ

2 Samuel 17:8

Mo hinga babâ ti mo na azo ti lo kue: ala kue ayeke akpengba turugu, ala sara ngonzo mingi tongana ti *urse so a nzi molenge ti lo na ya ti ngonda. Babâ ti mo ayeke zo ti bira; na bi, lo na tanga ti azo ti lo ayeke lango na ndo oko pepe.

2 Agbia 2:24

Élisée abaa ndo na peko, lo baa ala si lo deba ala na iri ti *KOTA GBIA. Tongaso amama ti *urse use alondo na ya ti ngonda asigigi si asuru ya ti amaseka baleosio na use na popo ti ala so.

Amato 17:11

Zo ti sioni ayeke gi gi lege ti bi wusuwusu; tongaso, fade a yeke tokua asioni ye mingi na ndö ti lo.

Amato 27:3

Têne na mbutu ane; me ngonzo ti zo so li ti lo ayeke daa pepe ane ahon aye use so kue.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Amato 29:9

Tongana zo ti ndara ague na zo ti buba na ngbanga, ataa lo sara ngonzo, ataa lo he ngia, fade lo yeke duti kpoo laoko pepe.

Osée 13:8

Mbi yeke ti na ndö ti ala tongana mama ti *urse so azo agbu amolenge ti lo ahon na ala; mbi yeke suru ya ti kate ti ala. Na ndo so mbi yeke daa, mbi yeke mene ala tongana ti mama ti bamara; anyama ti ngonda ayeke suru ya ti ala kete kete.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.