Amato 17:1 - Mbeti ti Nzapa - Tënë so amu fini

¹ Tengo holengo nduru mapa na ndo so siriri ayeke daa ayeke nzoni ahon tengo kobe ti matanga na ya ti da so gba ti tënë asi singo daa.

Amato 17:1 ပူးပေါင်းရင်းမြစ်များ

Abia (Psaumes) 37:16

Kete ye so zo ti mbirimbiri ayeke na ni ayeke nzoni ahon mosoro ti gba ti azo ti sioni.

Amato 15:16

Kete ye so zo ayeke na ni si lo kpe mbeto ti KOTA GBIA, so laa ayeke nzoni ahon gba ti mosoro so gingo be mingi ayeke daa.

Amato 15:17

Tengo kugbe ti kasa na ndo so yengo tere ayeke daa ayeke nzoni ahon tengo bagara ti mafuta na ndo so kengo tere ayeke daa.

Amato 16:8

Kete ye ti zo so lo wara na legeni, so laa ayeke nzoni ahon gba ti mosoro so zo awara na lege ti likisi.

Amato 17:2

Zo ti kua so le ti lo ahan, lo yeke mu ndo ti molenge ti da so azia kamene na le ti azo. Fade zo ti kua ni ayeke wara akungba na peko ti kuâ ti babâ ni legeoko na tanga ti amolenge ni.

Amato 21:19

Ti duti na benyama ayeke nzoni ahon ti duti na ndo oko na wali so aye ngonzo na tënë ti papa mingi.

Amato 21:9

Ti lango na gigi na gbe ti mbeni gbefa ayeke nzoni ahon ti lango na ya ti da oko na wali so aye tënë ti papa mingi.

Amato 7:14

“Mbi mu lani zendo ti mu na Nzapa *sandaga ti mungo singila; laso mbi mu ni awe.