Amato 16:9 - Mbeti ti Nzapa - Tënë so amu fini

⁹ Zo ayeke leke na be ti lo ti mu mbeni lege, me KOTA GBIA laa ayeke mu ngangu na lo ti tambula daa.

Amato 16:9 ပူးပေါင်းရင်းမြစ်များ

2 Mbai 22:7

Nzapa agbu ndembe so Ahazia ague ti baa Yoram ti sara si Ahazia awara kuâ. Gi so Ahazia asi tongaso, lo na Yoram ague ti tengbi Yehu, molenge ti Nimshi. Andaa KOTA GBIA atuku mafuta na li ti Yehu ti ga gbia titene lo fâ azo ti sewa ti Akab kue ti hunzi ala.

Abia (Psaumes) 37:23

Tongana sarango ye ti zo anzere na be ti KOTA GBIA, lo yeke fa lege so zo ni alingbi ti tambula daa.

Amato 16:1

Azo ayeke leke apialo, me tanga ti tënë ni kue ayeke na yanga ti KOTA GBIA.

Amato 16:8

Kete ye ti zo so lo wara na legeni, so laa ayeke nzoni ahon gba ti mosoro so zo awara na lege ti likisi.

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Amato 20:24

Ndali ti KOTA GBIA, zo ayeke mu nzoni lege; me zo alingbi ti hinga ndo so lo yeke gue daa tongana nyen?

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Jérémie 10:23

KOTA GBIA, mbi hinga, zo ayeke makonzi na ndö ti lege ti lo wani pepe; zo so ayeke tambula na lege, lo yeke makonzi na ndö ti tambula ti lo pepe.

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”