Amato 16:8 - Mbeti ti Nzapa - Tënë so amu fini

⁸ Kete ye ti zo so lo wara na legeni, so laa ayeke nzoni ahon gba ti mosoro so zo awara na lege ti likisi.

Amato 16:8 ပူးပေါင်းရင်းမြစ်များ

Abia (Psaumes) 37:16

Kete ye so zo ti mbirimbiri ayeke na ni ayeke nzoni ahon mosoro ti gba ti azo ti sioni.

Amato 15:16

Kete ye so zo ayeke na ni si lo kpe mbeto ti KOTA GBIA, so laa ayeke nzoni ahon gba ti mosoro so gingo be mingi ayeke daa.

Amato 15:17

Tengo kugbe ti kasa na ndo so yengo tere ayeke daa ayeke nzoni ahon tengo bagara ti mafuta na ndo so kengo tere ayeke daa.

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Amato 16:9

Zo ayeke leke na be ti lo ti mu mbeni lege, me KOTA GBIA laa ayeke mu ngangu na lo ti tambula daa.

Amato 17:1

Tengo holengo nduru mapa na ndo so siriri ayeke daa ayeke nzoni ahon tengo kobe ti matanga na ya ti da so gba ti tënë asi singo daa.

Amato 28:6

Wayere so ayeke sara ye na legeni, lo yeke nzoni lo hon zo so sarango ye ti lo ayeke kirikiri, ataa lo yeke zo ti mosoro.

Zo ti bongbingo azo 4:6

Me kete ye so asi ya ti maboko oko si ayeke mu wungo tere, so laa ayeke nzoni ahon gba ti ye so asi ya ti maboko use na peko ti kua so zo abaa pasi na sarango ni si ayeke tumbango peko ti pupu senge.

Jérémie 17:11

Zo so awara mosoro na legeni pepe, lo yeke tongana dodoro so alango na ndö ti para so lo laa lo du ni pepe; so zo ni angba ti te gigi, mosoro ti lo ahon si na ndani, lo ga zo so li ti lo ayeke daa pepe.”

Mishe 6:10

Amosoro so azo ti sioni awara na lege ti nzi angba na ya ti da ti ala, sembe ti hakango na ye so a pika ngbonda ni angba na ya ti da ti ala. Mbi lingbi ti kanga be ti mbi na fungo ye tongaso?