Amato 16:6 - Mbeti ti Nzapa - Tënë so amu fini

⁶ Zo so asara nzoni be na amba ti lo si azo alingbi ti zia be ti ala na ndö ti lo, a yeke zi sioni ti lo. Kpengo mbeto ti KOTA GBIA asara si zo akpe lege ti sioni ye.

Amato 16:6 ပူးပေါင်းရင်းမြစ်များ

Tongo nda ti aye 20:11

Abraham akiri tënë, atene: “Mbi tene na be ti mbi, mbi tene: ‘Azo so ge so ahinga ti ala ti kpe mbeto ti Nzapa oko pepe. Fade ala yeke fâ mbi ndali ti wali ti mbi.’

Néhémie 5:15

Agovoronere so ayeke lani kozoni na mbi ayeke zia anengo kungba na ndö ti azo. Ala yeke hunda gi kobe na vin na maboko ti azo ni pepe, me ala yeke hunda nga titene azo ni azia ale ti nginza baleosio na ndö ni. Ataa azo ti kua ti agovoronere ni asara ngangu mingi na azo ni. Me mbi, mbi sara tongaso pepe, ngbanga ti so mbi kpe mbeto ti Nzapa.

Néhémie 5:9

Mbi tene na ala: “Ye so ala yeke sara so ayeke nzoni pepe. Ayeke fade nzoni titene ala duti na kpengo mbeto ti Nzapa ti e; tongaso si azo ti amara nde so ayeke awato ti e awara lege pepe ti zonga e!

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 85:10

Biani, Nzapa ayeke nduru ti soo azo so ayeke kpe mbeto ti lo, fade gonda ti lo ayeke duti na ya ti kodro ti e.

Sigingo 1:17

Me awali so ayeke mu molenge na tere ti awali akpe mbeto ti Nzapa; ala ke ti sara ye alingbi na yanga so gbia ti Ezipte amu na ala. Tongaso ala zia amolenge-koli angba na fini.

Sigingo 20:20

Moïse atene na azo ni, atene: “Ala sara mbeto pepe! Nzapa aga ti tara gi be ti ala, tongaso si ala kpe mbeto ti lo si ala sara siokpari pepe.”

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Amato 14:2

Zo so sarango ye ti lo ayeke na legeni, lo yeke kpe mbeto ti KOTA GBIA; me zo so ayeke mu lege ti kirikiri, lo baa KOTA GBIA tongana mbumbuse ye.

Amato 14:27

Kpengo mbeto ti KOTA GBIA ayeke tongana li ti ngu so ayeke mu fini na zo; ayeke sara si zo akpe aye ti sioni so aye ti gbu lo tongana kuku si ayeke fâ lo.

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Amato 20:28

Sarango nzoni be na batango tënë ti yanga ayeke bata gbia. Na lege ti nzoni be si sarango komandema ti lo ayeke kpengba.

Amato 3:3

Ayeke nzoni mo zia ti sara nzoni be pepe, mo zia ti bata tënë ti yanga ti mo pepe; mo kanga ni na go ti mo tongana ye ti go, mo su ni na be ti mo tongana mbeti.

Amato 3:7

Mo baa tere ti mo wani tongana zo ti ndara pepe, me mo kpe mbeto ti KOTA GBIA; mo zia lege ti sioni ye.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Daniel 4:24

Ndani laa, babâ gbia, ayeke nzoni mo yamba wango ti mbi na nzoni be: mo zia lege ti siokpari ti mo, mo sara ye ti mbirimbiri; mo sara nzoni be na azo ti mawa. Mbi hinga pepe, fade Nzapa ayeke sara si mo ngba ti duti kpoo.”

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Awayango-sandaga 25:17

Ayeke nzoni mbeni zo oko na popo ti ala asara mbana na mba ti lo pepe; ye so ayeke fa atene, ala yeke kpe mbeto ti mbi, Nzapa ti ala laa. Mbi laa mbi yeke KOTA GBIA, Nzapa ti ala.

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Awatokua 15:9

Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Efeze 5:21

Ala ma yanga na popo ti ala ndali ti mbeto ti Christ so ayeke na be ti ala.

Ndia ti fani use ni 30:13

Atënë ti ndia ni ayeke na mbage ti kota ngu-ingo kâ pepe si fade mbeni zo atene: “Zo wa laa ayeke fâ ande kota ngu-ingo ti gue ti ga na ni na e? Zo wa laa ayeke sara si e ma tënë ni si fade e sara ye alingbi na ni?”

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.