Amato 16:32 - Mbeti ti Nzapa - Tënë so amu fini

³² Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.

Amato 16:32 ပူးပေါင်းရင်းမြစ်များ

2 Agbia 5:12

*Abale ti sese ti Damas, Abana na Parpar ayeke nzoni ahon ngu ti Israel pepe? Mbi lingbi fade ti sukula tere ti mbi kâ si tere ti mbi aga *nzoni pepe?” Naaman aturne tere ti lo si lo londo na ngonzo na be ti lo ti gue.

Abia (Psaumes) 103:8

KOTA GBIA ayeke baa mawa ti zo, lo yeke sara nzoni be na zo; lo yeke sara ngonzo hio hio pepe, me nzoni be ti lo asi singo.

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 15:18

Zo so be ti lo wâ wâ asara si papa alondo; me zo so ayeke kanga be ti lo asara si tiri akai.

Amato 16:19

Titene zo aduti tongana senge zo na popo ti azo ti mawa, so laa ayeke nzoni ahon titene lo na azo ti baba akangbi na popo ti ala akungba so ala gbu na peko ti bira.

Amato 16:31

Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Amato 16:33

Azo ayeke bi ye ti hinga na nda ti ye; tanga ti tënë kue ayeke na yanga ti KOTA GBIA.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Amato 25:15

Na lege ti kangango be ti ku, zo alingbi ti woko be ti mbeni wafango-ngbanga ti yeda na mbeni tënë. Atënë so ayeke de be ti zo alingbi ti zi angangu ye so ayeke kanga lege.

Amato 25:28

Zo so ayeke ngangu na lo titene lo kanga ngonzo ti lo, lo yeke tongana mbeni gbata so ngangu gbagba ayeke na tere ni pepe.

Zo ti bongbingo azo 7:8

Hunzingo mbeni ye ayeke nzoni ahon tongo nda ni; kangango be ayeke nzoni ahon sarango baba.

Zo ti bongbingo azo 7:9

Alingbi mo sara ngonzo hio hio pepe; azo ti buba laa ayeke sara ngonzo hio hio.

Rome 12:21

Mo zia sioni ye ahon ndö ti mo pepe; me mo hon ndö ti sioni ye na lege ti sarango nzoni ye.

Efeze 5:1

Ala yeke amolenge so Nzapa aye ala mingi. Tongaso, ayeke nzoni ala sara ye tongana lo.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.