Amato 16:31 - Mbeti ti Nzapa - Tënë so amu fini

³¹ Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Amato 16:31 ပူးပေါင်းရင်းမြစ်များ

Amato 16:30

Zo so akanga le ti lo si lo te poro ti yanga ti lo titene lo leke na be ti lo ti sara sioni, andaa lo sara ni awe.

Amato 16:32

Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.

Amato 17:6

Ye so ayeke sara nengo ti atara ayeke amolenge ti amolenge ti ala; ye so ayeke sara gonda ti amolenge ayeke ababâ na amama ti ala.

Amato 20:29

Ye so ayeke sara gonda ti amaseka ayeke ngangu ti ala; ye so ayeke sara nengo ti ambakoro ayeke vuru kua ti li ti ala.

Zo ti bongbingo azo 12:5

Na ngoi ni so, fade mbeto ti guengo na li ti hoto ayeke sara zo; kota mbeto ayeke sara zo na ndö ti lege; fade kua ti li ti zo ayeke vuru tongana tukia; tambula ti zo ayeke ne nengo tongana gbadola so ate ye ahon ndoni. Aye so asara si kobe anzere, nzerengo ni ahon. Tongaso laa zo ayeke gue na ndangba ndo ti lango ti lo. Awali so ahinga ti toto kuâ ayeke ku na ndö ti lege ti toto kuâ.

Zo ti bongbingo azo 4:13

Molenge so ayeke zo ti ndara si lo yeke na mosoro pepe, lo hon mbeni gbia so aga mbakoro awe si ayeke ma wango pepe, ngbanga ti so lo yeke zo ti buba.

Awayango-sandaga 19:32

“Alingbi ala londo na nduzu na dawa ti mbeni zo so kua ti li ti lo avuru. Alingbi ala ne mbakoro; tongaso laa ala yeke fa atene, ala yeke kpe mbeto ti mbi Nzapa ti ala laa. Mbi laa mbi yeke KOTA GBIA.

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.