Amato 16:30 - Mbeti ti Nzapa - Tënë so amu fini

³⁰ Zo so akanga le ti lo si lo te poro ti yanga ti lo titene lo leke na be ti lo ti sara sioni, andaa lo sara ni awe.

Amato 16:30 ပူးပေါင်းရင်းမြစ်များ

Amato 10:10

Zo so ate le na amba ti lo, lo zia vundu na be ti azo; me zo so ayeke diko abuba tënë, lo yeke gi titene gigi ti lo abuba.

Amato 16:27

Mbumbuse zo aleke na be ti lo ti sara sioni ye; atënë ti yanga ti lo ayeke gbi zo tongana wâ.

Amato 16:29

Zo ti sarango ngangu na zo, lo yeke handa amba ti lo si lo yeke gue na ala na sioni lege.

Amato 16:31

Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Ésaïe 6:10

Mo sara si be ti azo ni akpengba, mo sara si mê ti ala na le ti ala akanga; mo sara si ala baa ndo pepe, ala ma ndo pepe. Tongaso si tënë ali be ti ala pepe, ala zia ngbene lege ti sarango ye ti ala pepe, ala kiri na mbi pepe si kobela ti ala akai pepe.”

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Jean 3:20

Zo so kue ayeke sara ye ti sioni, lo ke tënë ti lumiere; lo ye ti ga na ya ti lumiere pepe, ngbanga ti so lo kpe titene asioni ye so lo yeke sara asigigi polele.