Amato 16:24 - Mbeti ti Nzapa - Tënë so amu fini

²⁴ Anzerengo tënë ayeke tongana mafuta ti wotoro; anzere na yanga ti zo si ayeke sara titene zo aduti na nzoni tere.

Amato 16:24 ပူးပေါင်းရင်းမြစ်များ

Abia (Psaumes) 119:103

Atënë ti yanga ti mo anzere na yanga ti mbi mingi, anzere na yanga ti mbi ahon mafuta ti wotoro.

Abia (Psaumes) 19:10

Kpengo mbeto ti KOTA GBIA, mbeni ye ti nzoni ti hon so ayeke daa pepe; kpengo mbeto ti KOTA GBIA angba lakue lakue. Fango ngbanga ti KOTA GBIA ayeke taa-tënë, fango ngbanga ni kue ayeke mbirimbiri.

Amato 12:18

Zo so ayeke diko atënë gbani gbani, atënë ni ayeke kpo zo tongana yongoro zeme; me atënë ti azo ti ndara ayeke tongana yoro ti kaingo na kobela.

Amato 15:23

Titene zo akiri tënë nzoni, so laa anzere. Tënë so zo atene na ndembe so alingbi, so ayeke nzoni mingi!

Amato 15:26

Be ti KOTA GBIA ake mingi tënë ti sioni pialo; me atënë so zo atene na nzoni be, sioni ye oko ayeke daa pepe.

Amato 17:22

Be ti zo so ayeke na ngia asara si kobela ti lo akai; me be ti zo so ayeke na vundu asara si ngangu atia lo.

Amato 23:16

Tere ti mbi kue ayeke nzere tongana mo tene tënë so ayeke na legeni.

Amato 27:9

Mafuta na yombo ayeke zia ngia na be ti zo; me zo so aye mo si be ti lo awoko na mo, so laa ayeke nzoni ahon wango so mo mu na mo wani.

Amato 3:8

Fade ayeke ga yoro ndali ti tere ti mo; ayeke sara si mo kiri mo wara ngangu.

Amato 4:22

Atënë ni ayeke mu fini nga na seni na azo so kue ayeda na ni.

Zo ti bongbingo azo 12:10

Zo ti bongbingo azo asara kue ti wara anzerengo tënë. Lo su atënë ni mbirimbiri na mbeti, atënë ni ayeke taa-tënë.

B. ti abia 4:11

Mo so mo yeke ga wali ti mbi so, tongana mbi su yanga ti mo, mo baa mo tene mafuta ti wotoro ayeke daa, mafuta ti wotoro na ngu ti me ayeke na gbe ti menga ti mo. Fungo ti abongo ti mo ayeke nzoni tongana fungo ti gbako ti Liban.

Jérémie 15:16

Gi so atënë ti mo asi na mbi, mbi mu ni si aga ye ti mbi; atënë ni amu ngia na mbi, azia ngia mingi na be ti mbi. Biani, a zia mbi nde ndali ti mo awe, KOTA GBIA Nzapa so ayeke na ndö ti dunia kue.

Ndia ti fani use ni 32:2

Ayeke nzoni atënë so mbi yeke fa asua tongana ngu-Nzapa, ayeke nzoni atënë ti mbi ni atuku tongana ngu ti pere na ndö ti pere.

Aye so Nzapa afa 10:10

Mbi mu kete buku ni na maboko ti lo, mbi te ni. Kete buku ni anzere na yanga ti mbi tongana mafuta ti wotoro; me so mbi mene ni awe, asee sengo na ya ti mbi.