Amato 16:23 - Mbeti ti Nzapa - Tënë so amu fini

²³ Zo so ayeke gbu li ti lo na ndara, lo yeke gbu li ti lo kozoni si lo tene tënë; azo kue ayeke yeda na lo tongana lo tene tënë.

Amato 16:23 ပူးပေါင်းရင်းမြစ်များ

Mbeti ti Job 15:2

Zo ti ndara tongana mo so ayeke kiri buba tënë tongaso? Lo yeke suku kate na tenengo asenge senge tënë tongaso?

Mbeti ti Job 8:10

Me azo so ayeke kozo ti e ayeke fa ye na mo, ala yeke tene na mo *amato so be ti ala agirisa na ni pepe:

Abia (Psaumes) 45:1

Bia ti azo ti Kore; bia so ayeke ndali ti makonzi-bia. A he ni na kundi. Bia ti fango ye na zo; bia ti yengo tere.

Amato 15:28

Zo ti mbirimbiri ayeke gbu li ti lo kozoni si lo kiri tënë; me zo ti sioni ayeke de na gigi asioni tënë.

Amato 15:7

Atënë ti zo ti ndara ayeke mu lege na zo ti hinga ye; me gbungo-li ti zo ti buba ayeke mbeni ye nde!

Amato 16:21

Zo so ayeke gbu li ti lo na ndara, lo yeke zo ti hingango ye. Zo so atene anzerengo tënë na mba ti lo, fade mba ti lo ni ayeke yeda na lo.

Amato 16:22

Hingango ndo ayeke tongana li ti ngu so ayeke mu fini na zo so ayeke na ni. Me pika so azo ti buba ayeke wara ayeke ye ti buba ti ala wani.

Amato 5:2

Tongaso, fade mo yeke bata atënë ti mbi so ayeke sara si le ti mo ahan si mo yeke hinga nda ti atënë so mo yeke tene.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.